বান আৰু ভূমিস্খলনেৰে জৰ্জৰিত ৰাজ্য অসম, মণিপুৰ, মেঘালয়, মিজোৰাম, কেৰালা আৰু উত্তৰাখণ্ডৰ বাবে ১০৬৬.৮০ কোটি টকা মুকলি কৰি দিছে। ১০ জুলাই অৰ্থাত বৃহস্পতিবাৰে কেন্দ্ৰীয় চৰকাৰে এই ধন মুকলি কৰি দিবলৈ অনুমোদন জনায়।
দেশৰ গৃহমন্ত্ৰী অমিত শ্বাহে সামাজিক মাধ্যম এক্সযোগে এটা বাৰ্তা শ্বেয়াৰ কৰি কয় যে এই বছৰ ১৯খন ৰাজ্যক এছডিআৰএফ/এনডিআৰএফৰ পুঁজিৰ পৰা ৮০০০ কোটিতকৈ অধিক ধন প্ৰদান কৰা হৈছে।
আজি কেন্দ্ৰীয় চৰকাৰে ৰাজ্যিক দুৰ্যোগ প্ৰশমন বাহিনী (এছ ডি আৰ এফ)ৰ অধীনত পুঁজি মুকলিৰ বাবে অনুমোদন জনোৱা বান বিধ্বস্ত ৬ খন ৰাজ্যই ক্ৰমে অসমে লাভ কৰিব ৩৭৫.৬০ কোটি, মণিপুৰে ২৯.২০ কোটি, ৩০.৪০ কোটি টকা মেঘালয়ৰ বাবে, ২২.৮০ কোটি টকা মিজোৰামৰ বাবে, কেৰালাৰ বাবে ১৫৩.২০ কোটি টকা আৰু উত্তৰাখণ্ডৰ বাবে ৪৫৫ কোটি টকা।
উল্লেখ্য যে, বিগত কিছু দিনৰ পৰা হোৱা নেৰানেপেৰা বৰষুণৰ ফলত অসমকে ধৰি মণিপুৰ, মেঘালয়, মিজোৰাম, কেৰালা আৰু উত্তৰাখণ্ডত হোৱা বান আৰু ভূমিস্খলনৰ ফলত যথেষ্ট ক্ষতিসাধন হৈছে।
