চৰকাৰী চাকৰিৰ প্ৰস্তুতি কৰি থকা যুৱক-যুৱতীৰ বাবে ভাল খবৰ। বিশেষকৈ সৈন্য বাহিনীত নিযুক্তি লাভৰ স্বপ্ন দেখা চাকৰি প্ৰত্যাশী সকলৰ বাবে এই খবৰ যথেষ্ট গুৰুত্বপূৰ্ণ। কেন্দ্ৰীয় ঔদ্যোগিক সুৰক্ষা বাহিনী, চমুকৈ CISF- এ কনিষ্টবল/ট্ৰেডছমেন পদত নিযুক্তিৰ বাবে অধিসূচনা জাৰি কৰিছে।
এই পদ সমূহৰ বাবে ৫ মাৰ্চৰ পৰা আবেদন প্ৰক্ৰিয়া আৰম্ভ হ’ব আৰু ৩ এপ্ৰিললৈকে ইচ্ছুক প্ৰাৰ্থীসকলে আবেদন কৰিব পাৰিব। প্ৰাৰ্থীসকলে কেন্দ্ৰীয় ঔদ্যোগিক সুৰক্ষা বাহিনী, চমুকৈ CISF- ৰ অফিচিয়েল ৱেবছাইট cisfrectt.cisf.gov.in ত এই পদসমূহৰ বাবে অনলাইন আবেদন কৰিব পাৰিব।
কেন্দ্ৰীয় সুৰক্ষা বাহিনীটোৱে প্ৰকাশ কৰা বিজ্ঞাপন অনুসৰি মুঠ ১১৬১টা পদৰ বাবে যোগ্য প্ৰাৰ্থীক নিযুক্তি দিয়া হ’ব। দশম শ্ৰেণী উত্তীৰ্ণ ১৮ৰ পৰা ২৩ বছৰীয়া যুৱক-যুৱতীসকলে এই পদসমূহত আবেদন কৰিব পাৰিব। আনহাতে বয়সৰ ক্ষেত্ৰত SC, ST আৰু OBC শ্ৰেণীৰ প্ৰাৰ্থীসকলক কিছু ৰেহাই দিয়া হ’ব।
এই পদসমূহৰ বাবে আবেদন মাচুল ১০০ টকা নিৰ্ধাৰণ কৰা হৈছে। আনহাতে অনুসূচিত জাতি (SC), অনুসূচিত জনজাতি (ST)ৰ অন্তৰ্গত আবেদনকাৰীসকলক আবেদন মাচুল আদায় দিয়াৰ পৰা ৰেহাই দিয়া হৈছে।
প্ৰাৰ্থীসকলে CISFৰ কনিষ্টবল নিযুক্তিৰ বাবে কিদৰে আবেদন কৰিব পাৰিব চাওঁ আহক-
CISFৰ অফিচিয়েল ৱেবছাইট cisfrectt.cisf.gov.in চাওক।
এতিয়া হোম পেজত থকা লগইন টেবত ক্লিক কৰক।
ইয়াৰ পিছতে নিৰ্ধাৰিত তথ্য পূৰ কৰি পঞ্জীয়ন কৰক।
নথি-পত্ৰ আপলোড কৰি মাচুল পৰিশোধ কৰাৰ পিছত চাবমিট টেবত ক্লিক কৰক।
