চেম্পিয়নছ ট্ৰফী ২০২৫ত ভাৰত আৰু পাকিস্তানৰ মাজৰ খেল ২৩ ফেব্ৰুৱাৰীত অনুষ্ঠিত হৈছিল। এই খেলখত ভাৰতীয় দলটোৱে জয়লাভ কৰে। কিন্তু এই মেচত এজন পাকিস্তানী খেলুৱৈয়ে লোৱা উইকেট লৈ উদযাপন কৰে।
এই ঘটনাৰ পিছতেই খেলুৱৈগৰাকীক ছ’চিয়েল মিডিয়াত যথেষ্ট ট্ৰ’ল কৰা হয়। এনে পৰিস্থিতিত এইগৰাকী খেলুৱৈয়ে নিজৰ ব্যৱহাৰৰ বাবে ক্ষমা বিচাৰে।
ভাৰত-পাকিস্তানৰ খেলখনত ৫২টা বলত ৪৬ ৰানৰ ইনিংছ খেলি আউট হৈছিল তাৰকা বেটছমেন শুভমন গীল। তেওঁক আউট কৰে পাকিস্তানৰ স্পিনাৰ আব্ৰাৰ আহমেদে। ইয়াৰ পিছতে আব্ৰাৰ আহমেদে উইকেট লোৱা মুহূৰ্ত উদযাপন কৰি ডিঙি ঘূৰাই বাৰে বাৰে গীলক বাহিৰলৈ যাবলৈ ইংগিত দিছিল। আব্ৰাৰৰ এই ব্যৱহাৰত ক্ষুন্ন হৈ পৰে ভাৰতীয় ক্ৰিকেটপ্ৰেমীসকল।
পিছে সংবাদ মাধ্যমৰ সৈতে হোৱা কথা-বতৰাত শুভমন গীলৰ উইকেট উদযাপনৰ সন্দৰ্ভত আব্ৰাৰ আহমেদে কয় যে, এইয়া তেওঁৰ ষ্টাইল হয়। তেওঁ একো ভুল কৰা নাই। ইয়াৰ পিছতো যদি কোনোবাই আঘাত পাইছে তেন্তে ইয়াৰ বাবে তেওঁ ক্ষমা বিচাৰে। তেওঁৰ উদ্দেশ্য কাকো আঘাত দিয়া নহয়।
