দিল্লীত দিনৰ ভাগত প্ৰচণ্ড সূৰ্যৰ পোহৰৰ বাবে গৰমৰ সন্মুখীন হ’বলগীয়া হৈছে।
আজিকালি দিল্লীবাসীয়ে কাহ, চৰ্দি, জ্বৰ, উশাহ-নিশাহৰ সমস্যা আদি গুৰুতৰ পৰিস্থিতিৰ মাজেৰে পাৰ হৈ আহিছে। ইয়াৰ মূল কাৰণ হৈছে- ৰাজধানীত বতাহৰ অৱনতি ঘটা।
বিজয়া দশমীৰ দিনৰে পৰা দিল্লীৰ বায়ুৰ গুণাগুণ অতি দুৰ্বল শ্ৰেণীৰ মাজেৰে পাৰ হৈ আহিছে। স্বাভাৱিক হোৱাৰ পৰিৱৰ্তে পৰিস্থিতি ক্ৰমাগতভাৱে অধিক ভয়াৱহ হৈ পৰিছে।
বুধবাৰে পুৱাৰে পৰা কুঁৱলীৰ সৃষ্টি হৈছে। দেশৰ ৰাজধানীত বায়ুৰ গুণাগুণ ‘অতি দুৰ্বল’ স্তৰত উপনীত হৈছে। তথ্য অনুসৰি AQI ৰ পৰিমান হৈছে ৩৪৯। মঙলবাৰে সন্ধিয়া দিল্লীৰ গড় AQI ৩২৭।
বৰ্তমান দিল্লীৰ জাহাংগীৰপুৰী অঞ্চল আটাইতকৈ বেছি প্ৰদূষিত হৈছে। আনন্দ বিহাৰ অঞ্চলৰ অৱস্থাও অতি বেয়া। চিপিচিবিৰ তথ্য অনুসৰি দিল্লীৰ ২৬টা অঞ্চলত বায়ু অতি গুৰুতৰ শ্ৰেণীত ৰেকৰ্ড কৰা হৈছে। এই সপ্তাহতো বায়ুৰ স্তৰ ইমানেই ভয়াৱহ হৈ থকাৰ সম্ভাৱনা আছে।
একে সময়তে দিল্লীৰ বতৰ শুকান হৈ থাকিব। কুঁৱলীৰ লগতে দুপৰীয়া ৰ’দও থাকিব। গৰমে এৰি যোৱা নাই দিল্লী-এনচিআৰবাসীক। ৰাজধানীখনৰ সৰ্বোচ্চ আৰু সৰ্বনিম্ন উষ্ণতা বৃদ্ধি হৈছে। উত্তৰ প্ৰদেশৰ প্ৰতি মুহূৰ্তত পৰিৱৰ্তিত বতৰৰ বাবেই মানুহ চিন্তিত হৈ পৰিছে।
দিল্লীৰ এই প্ৰদূষিত অঞ্চলসমূহৰ বায়ুৰ গুণাগুণ অতি নিম্ন শ্ৰেণীত উপনীত হৈছে। অধিক ভয়াৱহ পৰিস্থিতি নিয়ন্ত্ৰণ কৰিবলৈ দিল্লী চৰকাৰে সীমান্তৱৰ্তী ৰাজ্যসমূহক ডিজেল বাছ দিল্লীলৈ প্ৰেৰণ নকৰিবলৈ আহ্বান জনাইছে। বহু অঞ্চলক হটস্পটত অন্তৰ্ভুক্ত কৰা হৈছে। ৰাজধানীত কাৰ্যকৰী কৰা হৈছে GRAP-2। জেনেৰেটৰ আৰু নতুন নিৰ্মাণৰ কাম নিষিদ্ধ কৰা হৈছে।
একে সময়তে আজিৰ দিনটোত অৰ্থাৎ পশ্চিম ইউ পিৰ বতৰ শুকান হৈ থকাৰ সম্ভাৱনা আছে। দিল্লীৰ সংলগ্ন নয়ডা-গাজিয়াবাদত AQI য়ে ৩০০ অতিক্ৰম কৰিছে, যিটো অতি বিপদজনক শ্ৰেণীত আছে।
