দিল্লীৰ মুখ্যমন্ত্ৰী ৰেখা গুপ্তাৰ নিৰাপত্তাৰ ক্ষেত্ৰত ডাঙৰ পৰিৱৰ্তন আহিব। খবৰ অনুসৰি মুখ্যমন্ত্ৰীক আক্ৰমণৰ পিছত এই সিদ্ধান্ত লোৱা হৈছে। কোৱা হৈছে যে নিৰাপত্তাৰ প্ৰতি লক্ষ্য ৰাখি ৰাজহুৱা শুনানিৰ সময়ত কোনেও মুখ্যমন্ত্ৰীৰ ওচৰলৈ আহিবলৈ দিয়া নহ’ব।
গৃহ পৰিক্ৰমা মন্ত্ৰালয়ে ৰেখা গুপ্তাৰ নিৰাপত্তা বৃদ্ধি কৰি জেড নিৰাপত্তা প্ৰদান কৰিছে। লগতে চি আৰ পি এফৰ জোৱানসকলো তেওঁৰ লগত থাকিব, যিসকল সকলো সময়তে বুলেট প্ৰুফ জেকেট পিন্ধি থাকিব।
২০ আগষ্টৰ ৰাজহুৱা শুনানিৰ সময়ত দিল্লীৰ মুখ্যমন্ত্ৰীক আক্ৰমণ কৰা হৈছিল। এই আক্ৰমণৰ পিছত মুখ্যমন্ত্ৰীৰ নিৰাপত্তাক লৈ এক প্ৰশ্ন উত্থাপন হৈছিল। এতিয়া এই বিষয়ত এটা ডাঙৰ আপডেট আহি আছে। দিল্লীৰ মুখ্যমন্ত্ৰীৰ নিৰাপত্তাৰ ক্ষেত্ৰত সালসলনি কৰিব দিল্লী আৰক্ষীয়ে। এতিয়া ৰাজহুৱা শুনানিৰ সময়ত নতুনকৈ নিৰাপত্তাৰ কাম কৰা হ’ব। আগতে মানুহে যিদৰে তেওঁৰ ওচৰলৈ গৈছিল, এতিয়াৰ পৰা তেওঁলোকক মুখ্যমন্ত্ৰীৰ পৰা আঁতৰাই ৰখা হ’ব।
মুখ্যমন্ত্ৰী ৰেখা গুপ্তাৰ ওপৰত আক্ৰমণৰ পিছতে গৃহ মন্ত্ৰালয়ে ৰেখা গুপ্তাৰ নিৰাপত্তা বৃদ্ধি কৰিছে। ৰেখা গুপ্তাক দিয়া হৈছে Z নিৰাপত্তা। লগতে তেওঁৰ নিৰাপত্তাৰ বাবে চি আৰ পি এফ জোৱানকো নিয়োগ কৰা হ’ব। মুখ্যমন্ত্ৰীক আক্ৰমণৰ পিছতে কেন্দ্ৰীয় চৰকাৰে এই পৰিৱৰ্তন কৰিছে।
দিল্লীৰ মুখ্যমন্ত্ৰীক আক্ৰমণ কৰা ব্যক্তিজনক গ্ৰেপ্তাৰ কৰি ৫ দিনৰ পুলিচ ৰিমাণ্ডলৈ প্ৰেৰণ কৰা হৈছে। উল্লেখ্য যে এই ব্যক্তিজন গুজৰাটৰ ৰাজকোটৰ বাসিন্দা, যাৰ মাতৃয়ে কয় যে মুখ্যমন্ত্ৰীয়ে ৰাজপথৰ পৰা কুকুৰ আঁতৰোৱাৰ সিদ্ধান্তত তেওঁ ক্ষুব্ধ হৈ পৰিছে। এতিয়া আৰক্ষীৰ জেৰাৰ সময়তহে এই আক্ৰমণৰ প্ৰকৃত কাৰণ পোহৰলৈ আহিব।
