দিল্লীৰ মুখ্যমন্ত্ৰী অৰবিন্দ কেজৰিৱালক সুৰা নীতিৰ গোচৰত উচ্চতম ন্যায়ালয়ে প্ৰদান কৰে জামিন। ন্যায়ধীশ সূৰ্য কান্ত আৰু ভূঞা দুয়োজনে পৃথক পৃথক ৰায় দিয়ে। যদিও দুয়োজন ন্যায়াধীশে এই জামিনত সন্মতি প্ৰদান কৰে, তথাপি চিবিআইৰ এই গ্ৰেপ্তাৰৰ ক্ষেত্ৰত দুয়োজন ন্যায়াধীশৰ মতামত আছিল বেলেগ। ন্যায়াধীশ সূৰ্য কান্তে কেজৰিৱালৰ এই গ্ৰেপ্তাৰক বৈধ বুলি কয় যদিও ন্যায়াধীশ ভূঞাই এই গ্ৰেপ্তাৰৰ সময়ত প্ৰশ্ন উত্থাপন কৰে।
উচ্চতম ন্যায়ালয়ে চিবিআই গোচৰত কেজৰিৱালক জামিন প্ৰদান কৰে। কেজৰিৱালক ১০ লাখ টকাৰ বণ্ডত জামিন দিয়া হৈছিল। কেজৰিৱালে উচ্চতম ন্যায়ালয়ত দুখন আবেদন দাখিল কৰিছিল।
প্ৰথমখন জামিন আবেদনৰ বিষয়ে আছিল আৰু দ্বিতীয়খন চিবিআইৰ দ্বাৰা কৰা গ্ৰেপ্তাৰ আৰু ৰিমাণ্ডৰ বিৰুদ্ধে আছিল।
ইডি গোচৰত অৰবিন্দ কেজৰিৱালক প্ৰদান কৰা অন্তৱৰ্তীকালীন জামিনৰ ওপৰত প্ৰযোজ্য চৰ্তাৱলী চিবিআই গোচৰতো প্ৰযোজ্য হৈ থাকিব। ইডি গোচৰত উচ্চতম ন্যায়লয়ে কেজৰিৱালক ১২ জুলাইত জামিন প্ৰদান কৰিছিল। কেজৰিৱালক চিবিআইয়ে ২৬ জুনত তিহাৰ কাৰাগাৰৰ পৰা ইডি গোচৰত অন্তৱৰ্তীকালীন জামিন পোৱাৰ পিছত গ্ৰেপ্তাৰ কৰিছিল।
