ভাৰতীয় ক্ৰিকেট দলৰ তাৰকা অফ স্পিনাৰ যুজৱেন্দ্ৰ চাহাল তেওঁৰ পত্নী ধনশ্ৰী বাৰ্মাক লৈ প্ৰকাশ পাইছে এক আশ্বৰ্যকৰ খবৰ। বিভিন্ন সূত্ৰৰ উদ্ধৃতিৰে ৰাষ্ট্ৰীয় সংবাদ মাধ্যমত প্ৰকাশ পোৱা প্ৰতিবেদন অনুসৰি দুয়োৰে বিবাহ বিচ্ছেদ হ’ব পাৰে। কিছু দিনৰ পৰা ধনশ্ৰী আৰু চাহালৰ সম্পৰ্ক অৱনতি ঘটা বুলি দাবী কৰা হৈছে।
ক্ৰিকেটাৰ চাহালে নিজ পত্নী ধনশ্ৰীৰ সৈতে থকা সকলো ছবি ইনষ্টাগ্ৰামৰ পৰা আঁতৰাই দিয়াৰ পিছৰে পৰা এই চৰ্চা অধিক তীব্ৰতৰ হৈ পৰিছে।
ছ’চিয়েল মিডিয়াত বন জুইৰ দৰে বিয়পি পৰা এই খবৰৰ মাজতে এতিয়া প্ৰশ্ন উত্থাপন হৈছে যে যদি দুয়োৰে বিবাহ বিচ্ছেদ হয় তেন্তে সম্পত্তি কেনেকৈ ভাগ হ’ব।
আচলতে শেহতীয়াকৈ ছ’চিয়েল মিডিয়াত ধনশ্ৰী আৰু চাহাল সম্পৰ্কে বহু পোষ্ট দেখা পোৱা গৈছে। দুয়োৰে বিবাহ বিচ্ছেদ হোৱাৰ উপক্ৰম হৈছে বুলি দাবী কৰা হৈছে।
আন্তঃৰাষ্ট্ৰীয় পৰ্যায়ৰ লগতে প্ৰফেচনেল ক্ৰিকেটাৰ হিচাপে চাহালে যথেষ্ট টকা উপাৰ্জন কৰে। ইয়াৰ লগতে তেওঁ বিজ্ঞাপনৰ পৰাও ভাল পাৰিশ্ৰমিক লাভ কৰে। ইফালে ধনশ্ৰীও এগৰাকী পেছাদাৰী নৃত্যশিল্পী। তেওঁক বহু টিভি শ্ব’ত অংশগ্ৰহণ কৰা দেখা গৈছে। এই ক্ষেত্ৰত ধনশ্ৰীয়েও ভাল উপাৰ্জন কৰে।
ধনশ্ৰী-চাহালৰ বিবাহ বিচ্ছেদ হ’লে সম্পত্তিও ভাগ হ’বনে?
আচলতে বিবাহ বিচ্ছেদৰ গোচৰত সকলো নিৰ্ভৰ কৰে আদালতৰ সিদ্ধান্তৰ ওপৰত। চাহাল আৰু ধনশ্ৰী দুয়োৰে আৰ্থিক অৱস্থা উন্নত। বিবাহ বিচ্ছেদ হ’লে ধনশ্ৰীৰ ওপৰত নিৰ্ভৰ কৰিব সম্পত্তিৰ অংশীদাৰিত্ব বিচাৰে নে নিবিচাৰে। ইচ্ছা কৰিলে এই সন্দৰ্ভত আদালতৰ কাষ চাপিব পাৰে ধনশ্ৰী।
কিয় চৰ্চালৈ আহিছে ধনশ্ৰী-চাহালৰ সম্পৰ্ক-
শেহতীয়াকৈ যুজৱেন্দ্ৰ চাহালে ধনশ্ৰীৰ সৈতে থকা সকলো ছবি তেওঁৰ অফিচিয়েল ইনষ্টাগ্ৰামৰ পৰা ডিলিট কৰিছে। দুয়োজনে ইজনে সিজনক আনফল’ও কৰিছে। কিন্তু ধনশ্ৰীয়ে প্ৰফাইলৰ পৰা ফটো ডিলিট কৰা নাই। এই কাৰণেই বিবাহ বিচ্ছেদ সম্পৰ্কীয় খবৰটো অধিক জোৰদাৰ হৈ পৰিছে। অৱশ্যে এই সন্দৰ্ভত দুয়োফালৰ পৰা কোনো আনুষ্ঠানিক বিবৃতি প্ৰকাশ পোৱা নাই।
