ধুবুৰীৰ এক জঘণ্য ঘটনা পোহৰলৈ আহিছে। এগৰাকী বোৱাৰীক প্ৰথমে হত্যা কৰি তাৰপিছত আত্মহত্যাৰ ৰূপ দিয়াৰ চেষ্টাৰ অভিযোগ স্বামী আৰু শহুৰ পৰিয়ালৰ বিৰুদ্ধে।
এই ঘটনা সংঘটিত হৈছে ধুবুৰীৰ গৌৰীপুৰ সুখ্যাতিখাতা গাঁৱত। স্বামীৰ অবৈধ প্ৰেমজনিত কাৰণত বোৱাৰীক হত্যাৰ অভিযোগ পৰিয়ালৰ লোকৰ।স্বামীৰ পৰিয়ালৰ ওপৰত দীৰ্ঘ দিনৰে পৰাই শাৰীৰীক আৰু মানসিক অত্যাচাৰৰ বলি হোৱাৰ গুৰুত্বৰ অভিযোগ।
স্বামীৰ পৰিয়ালৰ লোকে বোৱাৰী গৰাকীক পৰিকল্পিত ভাৱে হত্যা কৰি ঘৰত উলমি ৰাখে বুলি অভিযোগ জনাই মহিলাগৰাকীৰ পৰিয়ালৰ লোকে। উক্ত ঘটনা স্থলীত দাওভাঙি আৰক্ষী উপস্থিত হয় যদিও, তাৰ আগতেই বোৱাৰী গৰাকীক নমাই ৰখা হয়।
অৱশেষত দাওভাঙি আৰক্ষীয়ে বোৱাৰী গৰাকীৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে ধুবুৰী চিকিৎসা মহাবিদ্যালয়লৈ প্ৰেৰণ কৰে। ইতিমধ্যে বোৱাৰী গৰাকীৰ পৰিয়ালৰ লোকে স্বামী নুৰ ইছলাম শ্বেখ, শাহুৱেক নসীৰণ বিবি আৰু নজল উদ্দিন শ্বেখ, নুৰ ভানু খাতুন, ৰামিছা খাতুন, সাহালম আৰু আয়নাল হকৰ বিৰুদ্ধে গৌৰীপুৰ থানাত এজাহাৰ দাখিল কৰে।
অৱশ্যে এইয়া হত্যা নে আত্মহত্যা সেইয়া মৰণোত্তৰ পৰীক্ষা আৰু আৰক্ষীৰ তদন্ততহে পোহৰলৈ আহিব।
