ডিব্ৰুগড়ৰ বৰবৰুৱাত এক চাঞ্চল্যকৰ ঘটনা সংঘটিত হয়। চুপাৰী কিলাৰক সোণৰ গহনা আৰু কেইবা লাখ টকা দি পত্নী, কন্যাই হ*ত্যা কৰে এগৰাকী ব্যৱসায়ীক। বিগত ২৫ জুলাইত সংঘটিত হৈছিল এই চাঞ্চল্যকৰ হত্যাকাণ্ড।
ডিব্ৰুগড়ৰ বৰবৰুৱাৰ লাহনগাঁৱৰ উদীয়মান ব্যৱসায়ী উত্তম গগৈ ওৰফে চেং কাইক কোনো দুৰ্বৃত্তই ঘৰত অকলে থকা অৱস্থাত নিশা নৃশংস ভাৱে হ*ত্যা কৰে। মৃতদেহ উদ্ধাৰ হোৱা শুৱনি কোঠাটোৰ বিভিন্ন সামগ্ৰী মুল্যবান বয়- বস্তু চোৰ কৰি লৈ গৈছিল হ*ত্যাকাৰীয়ে। প্ৰথমাৱস্থাত ই এক ডকাইটিৰ ঘটনা বুলি অনুমান কৰা হৈছিল যদিও আৰক্ষীৰ তদন্তত পোহৰলৈ আহিছে বহু চাঞ্চল্যকৰ তথ্য।
জানিব পৰা অনুসৰি, উদীয়মান ব্যৱসায়ী উত্তম গগৈক নিজৰ পত্নী আৰু কন্যাই চুপাৰী কিলাৰ লগাই হ*ত্যা কৰিছিল। কিন্তু কিয় এই হ*ত্যা*কা*ণ্ড সংঘটিত হৈছিল সেই কথা সঠিককৈ জানিব পৰা হোৱা নাই যদিও ৩ আগষ্টৰ পুৱাই বৰবৰুৱা আৰক্ষীয়ে আটক কৰিছে উত্তম গগৈৰ পত্নী ববী সোনোৱাল গগৈ, নৱম শ্ৰেণীৰ অধ্যয়নত কন্যা নৱমল্লিকা, কন্যাৰ প্ৰেমিক জামিৰা মটক গাঁৱৰ দীপজ্যোতি বুঢ়াগোহাঁই আৰু তেওঁৰ সহযোগী জামিৰা পাত্ৰ গাঁৱৰ গৌৰাঙ্গ পাত্ৰক।
আৰক্ষী সূত্ৰৰ পৰা জানিব পৰা অনুসৰি পত্নী, কন্যাই দুই চুপাৰী কিলাৰক সোণৰ গহনা আৰু কেইবা লাখ টকা দি হত্যা কৰাইছিল উদীয়মান ব্যৱসায়ী উত্তম গগৈক। এই হ*ত্যা*কা*ণ্ড কৰি ডকাইটিৰ ৰূপ দিবলৈ চেষ্টা কৰিছিল দুই চুপাৰী কিলাৰে। বৰবৰুৱা আৰক্ষীৰ তৎপৰতাত এই চাঞ্চল্যকৰ হত্যাকাণ্ডৰ ৰহস্য ফাদিল হৈছে। আৰক্ষীৰ জেৰাৰ পাছতহে এতিয়া হত্যাকাণ্ডৰ প্ৰকৃত ৰহস্যৰ কাৰণ জানিব পৰা যাব ।
