বিজ্ঞানীসকলে ডাইন’চৰৰ নিৰ্মূলৰ ওপৰত এটা ডাঙৰ তথ্য প্ৰকাশ কৰিছে। এটি উল্কাপিণ্ডৰ বাবেই ডাইন’চৰ পৃথিৱীৰ পৰা নাইকীয়া হৈছিল বুলি দাবী কৰে বহুতো বৈজ্ঞানিকে।১৫ আগষ্টত বিজ্ঞান আলোচনী এখনে পৃথিৱীৰ পৰা ডাইন’চৰবোৰক নাইকীয়া কৰা উল্কাপিণ্ডটো ক’ৰ পৰা আহিছিল সেই বিষয়ে বৰ্ণনা কৰি এক প্ৰতিবেদন উপস্থাপন কৰে।
৬.৬০ নিযুত বছৰ আগতে পৃথিৱীত আঘাত প্ৰাপ্ত এই উল্কাপিণ্ডটোৱে ইমানেই ধ্বংসলীলাৰ সৃষ্টি কৰিছিল যে, পৃথিৱীৰ পৰা ডাইন’চৰ বংশ নিশ্চিহ্ন হৈ গৈছিল।
বিজ্ঞানীসকলে কৈছিল যে, এই উল্কাপিণ্ডটো বৃহস্পতি গ্ৰহৰ কক্ষপথৰ পৰা বহু দূৰত সৃষ্টি হৈছিল। বিজ্ঞানীসকলে দীৰ্ঘদিন ধৰি এইবিষয়ে গৱেষণা কৰি আছিল।
পুৰণি ধ্বংসাৱশেষ অধ্যয়ন কৰি বিজ্ঞানীসকলে ইয়াক কিহৰ দ্বাৰা তৈয়াৰ কৰা হয়, সেইবিষয়ে জানিব পাৰিছিল। এই উল্কাপিণ্ডটো এটা কাৰ্বনেচিয়াছ অৰ্থাৎ চি-প্ৰকাৰৰ উল্কাপিণ্ড আছিল। ইয়াক কাৰ্বনেচিয়াছ বুলি কোৱা হয়, কিয়নো ইয়াত কাৰ্বনৰ মাত্ৰা যথেষ্ট আছিল।
বহুতো গৱেষণাই দাবী কৰিছে যে, ডাইন’চৰ গ্ৰহাণুৰ দ্বাৰা নহয় কিন্তু ধূমকেতুৰ দ্বাৰাহে নি:শেষ হৈছিল। জাৰ্মানীৰ ক’লোন বিশ্ববিদ্যালয়ৰ ভূ-ৰসায়নবিদ মাৰিঅ’ ফিচাৰ গডডে আৰু তেওঁৰ সহকৰ্মীসকলে এই গৱেষণা কৰাৰ সময়ত ১৫ আগষ্টত এই তথ্য প্ৰকাশ।
উল্কাপিণ্ড কি?
উল্কাপিণ্ড হৈছে মহাকাশৰ ধ্বংসাৱশেষৰ এক কঠিন টুকুৰা, যি পৃথিৱীৰ বায়ুমণ্ডল অতিক্ৰম কৰে আৰু পৃথিৱীৰ পৃষ্ঠত পৰে। ইয়াক গ্ৰহাণু বুলিও কোৱা হয়। এইবোৰ এক প্ৰকাৰৰ বহুত ডাঙৰ শিল, যি সূৰ্যৰ চাৰিওফালে ঘূৰি থাকে। যদিও উল্কাপিণ্ডবোৰে গ্ৰহবোৰৰ দৰেই সূৰ্যক প্ৰদক্ষিণ কৰে, সেইবোৰ গ্ৰহতকৈ যথেষ্ট সৰু।
