পাকিস্তানৰ লাহোৰত দীপাৱলীত জাৰি কৰিবলৈ গৈ আছে সেউজ লকডাউন। মহানগৰীত বৃদ্ধি পোৱা প্ৰদূষণৰ প্ৰতি লক্ষ্য ৰাখি মৰিয়ম নৱাজ চৰকাৰে এই সিদ্ধান্ত গ্ৰহণ কৰিছে।১ নৱেম্বৰৰ পৰা লাহোৰত আৰম্ভ হ’ব সেউজ লকডাউন।
শেহতীয়াকৈ বায়ুৰ গুণাগুণ জুখিব পৰা সংস্থা আইকিউ এয়াৰে বিশ্বৰ ১০০খন আটাইতকৈ প্ৰদূষিত চহৰৰ তালিকা প্ৰকাশ কৰিছিল। য’ত পাকিস্তানৰ লাহোৰ আছিল শীৰ্ষত, য’ত তেতিয়াৰ এচিইউআই ৭০০ৰ ওপৰত আছিল আৰু আজিও ৫০০ৰ ওপৰত আছে।
ইয়াৰ পৰিপ্ৰেক্ষিতত পাকিস্তানৰ লাহোৰত গ্ৰীণ লকডাউনৰ সিদ্ধান্ত গ্ৰহণ কৰিছে চৰকাৰে। জ্যেষ্ঠ মন্ত্ৰী মৰিয়াম ঔৰংজেবে ‘সেউজ লকডাউন’ৰ কথা ঘোষণা কৰে। লাহোৰৰ ১১টা অঞ্চল ধোঁৱাৰ হটস্পট হিচাপে চিনাক্ত কৰা হৈছে, ইয়াৰে শিমলা পাহাৰ আটাইতকৈ বেছি ক্ষতিগ্ৰস্ত।
এই কথা মনত ৰাখি কাইলৈ অৰ্থাৎ ১ নৱেম্বৰৰ পৰা কাৰ্যকৰী কৰা হ’ব এই লকডাউন।
ইয়াৰ পূৰ্বে পৰিৱেশ সুৰক্ষা সংস্থাৰ সঞ্চালক প্ৰধান ডাঃ ইমৰাণ হামিদ শ্বেইখে সেউজ লকডাউনৰ বাবে এক অধিসূচনা জাৰি কৰিছিল। প্ৰদূষণৰ হটস্পটসমূহৰ ভিতৰত আছে ডেভিছ ৰোড, এগাৰটন ৰোড, ডুৰাণ্ড ৰোড, কাশ্মীৰ ৰোড, এবট ৰোড, শিমলা হিলৰ পৰা গুলিস্তান চিনেমা, এম্প্ৰেছ ৰোড, শিমলা হিলৰ পৰা ৰেলৱে মুখ্য কাৰ্যালয় আৰু কুইন মেৰী ৰোড, ডুৰাণ্ড ৰোডৰ পৰা আৰম্ভ হোৱা গুৰুত্বপূৰ্ণ পথ।
কি কলে মুখ্যমন্ত্ৰী মৰিয়ম নৱাজে?
ইফালে, পঞ্জাৱৰ মুখ্যমন্ত্ৰী মৰিয়াম নৱাজ শ্বৰীফে প্ৰদূষণৰ সৈতে মোকাবিলা কৰিবলৈ ভাৰতীয় পঞ্জাৱৰ সৈতে সহযোগিতা আগবঢ়াবলৈ ইচ্ছা প্ৰকাশ কৰি বিষয়টো ৰাজনৈতিক নহয়, মানৱীয় বুলি গুৰুত্ব আৰোপ কৰিছে। তেওঁ কয় যে মই ভাৰতৰ পঞ্জাৱৰ মুখ্যমন্ত্ৰীলৈ এখন চিঠি লিখিবলৈ ভাবিছো যে এয়া ৰাজনৈতিক বিষয় নহয়, মানৱীয় বিষয়, যাৰ ওপৰত আমিও ব্যৱস্থা গ্ৰহণ কৰিছো। বতাহবোৰে নাজানে যে মাজত এটা ৰেখা আছে। দুয়োপক্ষৰ উন্নতিৰ বাবে দুয়োখন পঞ্জাবেই যৌথ পদক্ষেপ নোলোৱালৈকে পৰিস্থিতিৰ উন্নতি হ’ব নোৱাৰে।
