বিলাসীপাৰা চহৰৰ পুৰণি বজাৰত সংঘটিত হয় এক ভয়ংকৰ পথ দুৰ্ঘটনা। এখন তীব্ৰ বেগী বিলাসী চাৰিচকীয়া বাহনে খুন্দা মাৰে বিপৰীত দিশৰ পৰা অহা ই- ৰিক্সা এখনত।
এই দুৰ্ঘটনাটোত ই-ৰিক্সাখন পথৰ ওপৰতে বাগৰি পৰাত ই-ৰিক্সা চালকজনৰ লগতে এগৰাকী মহিলা যাত্ৰী গুৰুতৰ ভাৱে আঘাতপ্ৰাপ্ত হয়।
এই দুৰ্ঘটনাটোত মহিলাগৰাকীৰ ভৰি বেয়াকৈ ভাঙি যায়। এই ই-ৰিক্সাখনত থকা মহিলা গৰাকীৰ সৈতে আছিল তেওঁৰ সন্তান। এই দূৰ্ঘটনাটোৰ পৰা তেওঁৰ সন্তানে দৈৱক্ৰমে ৰক্ষা পৰে।
চাৰিচকীয়া AS17AL2337 নম্বৰৰ হোণ্ডাৰ চেন্ট্ৰোখন ঘটনাস্থলীৰ পৰা পলায়ন কৰি স্থানীয় থানাত আত্মসমৰ্পন কৰে বুলি জানিব পৰা গৈছে। ইফালে আহত সকলক স্থানীয় ৰাইজে ক্ষীপ্ৰতাৰে চিকিৎসালয়লৈ প্ৰেৰণ কৰে।
