৩১ মাৰ্চ অৰ্থাৎ সোমবাৰে সমগ্ৰ দেশতে উদযাপন কৰা হ’ব পবিত্ৰ ঈদ। লক্ষ্ণৌত দেখা গৈছে ঈদৰ জোন। কেন্দ্ৰীয় হিলাল কমিটীয়ে দিলে এই তথ্য।
ঈদগাহ ইমাম মাৰ্কজী চান্দ সমিতিৰ সভাপতি খালিদ ৰছিদ ফাৰংগীয়ে আজি ঈদৰ চন্দ্ৰ দেখা পোৱাৰ লগতে কাইলৈ ৩১ মাৰ্চত ঈদ উদযাপন কৰা হ’ব বুলি ঘোষণা কৰিছে।ইয়াৰ পূৰ্বে ২৯ মাৰ্চত চৌদি আৰৱত ঈদৰ চন্দ্ৰ দেখা গৈছিল।
ঈদৰ উৎসৱ ওচৰ চাপি অহাৰ লগে লগে বজাৰত দেখা গৈছিল প্ৰচণ্ড জনসমাগম। একে সময়তে ৰমজানৰ অন্তিম দিনবোৰৰ প্ৰতি লক্ষ্য ৰাখি আৰক্ষী প্ৰশাসনে ৰাইজৰ সুৰক্ষা সুনিশ্চিত কৰাৰ বাবে বজাৰ আৰু মন্দিৰত কঠোৰ নিৰাপত্তাৰ ব্যৱস্থা কৰিছে।
মৌলানা চাহাবুদ্দিন ৰাজৱীয়ে বিশেষ আহ্বান জনাইছে সৰ্বভাৰতীয় মুছলিম জামাতৰ ৰাষ্ট্ৰীয় সভাপতি মৌলানা চাহাবুদ্দিন ৰজৱী বাৰেলৱীয়ে ইদগাহ আৰু মছজিদৰ ইমামসকলক বিশেষ আহ্বান জনাইছে। তেওঁ কৈছে যে ঈদ উপলক্ষে ৰাস্তা-ঘাট আৰু ছেক্সনত নামাজ আদায় কৰিব নালাগে। ইয়াৰ পৰিবৰ্তে নামাজীৰ সংখ্যা বৃদ্ধি হ’লে শ্বিফ্ট সলনি কৰাৰ দৰকাৰ। কেৱল এটা শ্বিফটত নামজ দিয়াটো প্ৰয়োজনীয় নহয়।দুটা শ্বিফট বা আনকি তিনিটা শ্বিফটতো নামাজ আদায় কৰিব পাৰি।
তেওঁ কয় যে শ্বৰীয়তত ইয়াৰ অনুমতি আছে। ইমাম সলনি কৰি এই ব্যৱস্থা কাৰ্যকৰী কৰিব পাৰি। ইছলাম হৈছে আতিথ্যৰ ধৰ্ম। ইয়াত মানৱতাক আঁকোৱালি লোৱাৰ কথা কয়।
