পৃথিৱীত সুৰাপান কৰা লোকৰ সংখ্যা যথেষ্ট বেছি। কিন্তু বহু কম সংখ্যক লোকেহে জানে যে সময়ৰ লগে লগে যে এই সুৰা নষ্ট হৈ যায়। কোৱা হয় যে সুৰা যিমানেই পুৰণি হয়, সিমানেই ভাল। কিন্তু সময়ৰ লগে লগে বহুতো সুৰাৰ স্বাদ নোহোৱা হৈ যায়।
সময়ৰ লগে লগে কোনবোৰ সুৰা নষ্ট হৈ যায় জানো আহক সবিশেষ-
বিয়েৰ
কোৱা হয় যে, সুৰাৰ ভিতৰত, বিয়েৰৰ ম্যাদ সোনকালে উকলি যায়। সাধাৰণতে ৬মাহত এই বিয়েৰৰ ম্যাদ উকলি যায়। সেয়েহে বিয়েৰৰ কেন এবাৰ খোলাৰ পিছত এক বা দুই দিনৰ ভিতৰত ইয়াক শেষ কৰি দিয়াটো জৰুৰী। কিয়নো এবাৰ এই বিয়েৰ যদি খোলা হয়, ই বতাহত থকা অক্সিজেনৰ সংস্পৰ্শলৈ আহে। যাৰ বাবে ইয়াৰ সোৱাদ নষ্ট হৈ যায়। বিয়েৰৰ সোৱাদ যাতে নষ্ট হৈ নাযায়, তাৰ বাবে ইয়াক ঠাণ্ডা ঠাইত ৰাখিব লাগে।
হুইস্কি
হুইস্কি হৈছে এক শক্তিশালী পানীয়। কিন্তু এই হুইস্কিৰ বটল খোলাৰ পিছতেই ই অক্সিকৰণ হৈ যায়, যাৰ বাবে ইয়াৰ সোৱাদ সলনি হৈ যায়। হুইস্কিৰ সোৱাদ সলনি হোৱা তথা নষ্ট হৈ যোৱাটো বাহ্যিক তাপমান আৰু ইয়াৰ ওপৰত পৰা পোহৰৰ ৰশ্মিৰ ওপৰত নিৰ্ভৰ কৰে। হুইস্কিৰ সোৱাদ নষ্ট নোহোৱাকৈ ৰাখিবৰ বাবে ইয়াক আন্ধাৰ তথা ঠাণ্ডা ঠাইত ৰাখিব লাগে।
ৰাম
সাধাৰণতে ৰামৰ ম্যাদ দীঘলীয়া হয়। কিন্তু বটল খোলাৰ পিছতে বেছিদিন ইয়াক মুকলিকৈ ৰাখিলে ইয়াৰ সোৱাদত পৰিবৰ্তন আহে। এবাৰ বটলৰ ঢাকনি খোলাৰ পিছত ইয়াৰ অক্সিকৰণ প্ৰক্ৰিয়া অধিক ক্ষিপ্ৰতৰ হৈ যায়। ৰামৰ সোৱাদ ভালে ৰাখিবলৈ ইয়াক সৰু বটলত ভৰাই ছীল কৰি ৰাখিব পাৰে, যাতে ইয়াৰ গোন্ধ আৰু সোৱাদ ৬ মাহলৈ সংগৃহিত হৈ থাকে।
ৱাইন
ৱাইনৰো এটা সীমিত আত্মজীৱন থাকে। অক্সিকৰণে ইয়াৰ সোৱাদ অতি সোনকালে সলনি কৰিব পাৰে। ইয়ে এচিটিক এচিডৰ পৰিমাণ বঢ়াই দিয়ে।যাৰ বাবে ইয়াৰ সোৱাদ নষ্ট হৈ যায়। সাধাৰণতে ৱাইনৰ বটল খোলাৰ পিছত ৩ৰ পৰা ৫ দিনলৈ ই খোৱাৰ উপযোগী হৈ থাকে।
