মুখত বৰফ ঘঁহা অৰ্থাৎ বৰফ ফেচিয়েল আজিকালি সৌন্দৰ্য্যৰ ৰুটিনৰ এক গুৰুত্বপূৰ্ণ অংশ হৈ পৰিছে। ই কেৱল ছালখন ঠাণ্ডা কৰাই নহয়, মুখৰ ফুলা কমোৱা, পিম্পলছ নোহোৱা কৰা আৰু মুখৰ সতেজতা অনাত সহায় কৰে।
কিন্তু আপুনি জানেনে যদি বৰফ ভুল ধৰণে বা অধিক সময়ৰ বাবে মুখত ঘঁহি দিয়া হয়, তেন্তে ই আপোনাৰ ছালৰ অধিক ক্ষতিহে কৰিব পাৰে? মুখত বৰফ লগালে কি কি অসুবিধা হয় জানো আহক-
- ছাল জ্বলা-পোৰা
পোনে পোনে মুখত বৰফ লগালে বা মুখত বহুসময় ধৰি বৰফ ঘঁহিলে ছাল জ্বলা-পোৰা কৰিব পাৰে। ইয়াক ফ্ৰষ্ট বাইট বোলা হয়, য’ত ছালখন ৰঙা হৈ পৰে, বা ছালত ফোঁহাও দেখা দিব পাৰে।
- আৰ্দ্ৰতা নোহোৱা হোৱা
বৰফে ছালৰ পৰা প্ৰাকৃতিক আৰ্দ্ৰতা নোহোৱা কৰে। অবিৰতভাৱে বৰফ লগালে ছাল শুকান আৰু সংবেদনশীল হ’ব পাৰে। গতিকে সংবেদনশীল ছালত পোনে পোনে বৰফ লগালে ই ছালৰ ক্ষতি কৰিব পাৰে।
- ৰক্তবাহী নলীৰ ক্ষতি
বৰফে আমাৰ ছালৰ ৰক্তবাহী নলীৰ ক্ষতি কৰিব পাৰে। বিশেষকৈ বৰফ ঠাণ্ডা হোৱাৰ বাবে নাক আৰু গালত থকা মিহি ৰক্তবাহী নলীবোৰ ফাটি যাব পাৰে, যাৰ ফলত ছালত ৰঙা দাগ বা দাগ পৰিব পাৰে।
- ব্ৰেকআউট বৃদ্ধি
বৰফ প্ৰয়োগ কৰিলে ছালখন নিমিষতে সথিল হৈ পৰে। যদি ছালত ঘাম, মলি বা মেকআপ থাকে, তেন্তে বৰফ ঘঁহিলে ই ছিদ্ৰত প্ৰৱেশ কৰি ব্ৰেকআউট বৃদ্ধি কৰিব পাৰে।
মনত ৰখা উচিত যে কেতিয়াও মুখত পোনে পোনে বৰফ লগাব নালাগে। ইয়াক লগাবলৈ পৰিষ্কাৰ কাপোৰ বা কোমল কপাহেৰে মেৰিয়াই মুখত লগাব লাগে। সদায় ১ৰ পৰা ২ মিনিটতকৈ অধিক সময় বৰফ লগাব নালাগে।
