হিমাচলত বৰ্তমানেও বন্ধ হোৱা নাই বৰষুণৰ ধ্বংসলীলা। ২৯ আগষ্টৰ নিশা ৰাজ্যখনৰ ৫টা স্থানত ডাৱৰ বিস্ফোৰণৰ ফলত বহু ঘৰ, যান-বাহন আৰু আপেলৰ বাগিচাত বিস্তৰ ক্ষতিসাধন হৈছে। কুল্লুৰ হিদৱ, শৰ্চি আৰু বাসলা, ৰামপুৰৰ জুৰিৰ বাদল আৰু চাম্বাৰ চুৰাহত ডাৱৰ ডাৱৰ বিস্ফোৰণ হৈছে।
হানোগীৰ সমীপৰ খোটি নালাত হোৱা ভূমিস্খলনৰ ফলত যাতায়তৰ বাবে বন্ধ কৰি দিয়া হৈছে চণ্ডীগড়-মানালী ফোৰলেন। গোহৰ মহকুমাৰ নন্দী পঞ্চায়তৰ কটোৱাধি গাঁৱত দুখন দোকান, এখন গাড়ী আৰু এটা উদ্যোগ ক্ষতিগ্ৰস্ত হৈছে। ৩০ আগষ্টৰ সন্ধিয়ালৈকে ৰাজ্যত তিনিটা ৰাষ্ট্ৰীয় ঘাইপথ, ৭২৮টা বিদ্যুৎ ট্ৰেন্সফৰ্মাৰ আৰু ৪৫৬টা খোৱাপানীৰ আঁচনিকে ধৰি ৮৩৯টা পথ স্থবিৰ হৈ আছে।
চাম্বা জিলাৰ চুৰাৰ সান্তনালা পাহাৰত ডাৱৰ বিস্ফোৰণৰ পিছত জলপৃষ্ঠ বৃদ্ধি পোৱাৰ বাবে সতনালা দলং, বৈৰাগড়, দেৱীকোঠী, টেপা, পথ সংযোগী তৰোৱাই দলংৰ আগত ৫টা কালভাৰ্ট জাঁহ যায়। টেপা, দেৱীকোঠী পঞ্চায়ত সম্পূৰ্ণৰূপে বিচ্ছিন্ন হৈ পৰিছে।
কুল্লু জিলাত শুকুৰবাৰে নিশা হোৱা ধাৰাসাৰ বৰষুণৰ বাবে বঞ্জাৰৰ দুটা স্থানত ডাৱৰ বিস্ফোৰণৰ ঘটনা সংঘটিত হৈছে। বঞ্জৰৰ হিদৱ নলা আৰু শৰ্চি নলাত ডাৱৰ বিস্ফোৰণৰ ফলত ব্যাপক ক্ষতিসাধন হৈছে।
৩১ আগষ্টত ৰাজ্যৰ চাম্বা, কংৰা, কুল্লুৰ তিনিখন জিলাত প্ৰচণ্ড বৰষুণৰ বাবে কমলা সতৰ্কতা জাৰি কৰা হৈছে। মাণ্ডী, শিমলা, সোলান আৰু ছিৰমৌৰত ধাৰাসাৰ বৰষুণৰ বাবে হালধীয়া সতৰ্কবাণী জাৰি কৰা হৈছে। ১ ছেপ্তেম্বৰত উনা, বিলাসপুৰ, হামিৰপুৰ, মাণ্ডী আৰু শিমলাত বৰষুণৰ বাবে হালধীয়া সতৰ্কবাণী জাৰি কৰা হৈছে।
