প্ৰকাশ পালে আইচিচি চেম্পিয়নছ ট্ৰফী ২০২৫ৰ সম্পূৰ্ণ সূচী। অহা ২৩ ফেব্ৰুৱাৰীত ডুবাইত অনুষ্ঠিত হ’ব ভাৰত আৰু পাকিস্তানৰ মাজৰ মেচ। প্ৰতিযোগিতাখনৰ প্ৰথমখন খেলত বাংলাদেশৰ বিৰুদ্ধে অৱতীৰ্ণ হ’ব ভাৰত। এই খেলখনো ডুবাইতে অনুষ্ঠিত হ’ব।
হাইব্ৰিড মডেলৰ বাবে পাকিস্তান ক্ৰিকেট ব’ৰ্ডে ইউ এ ইক বাছনি কৰিছিল। সেয়ে ভাৰতীয় দলে প্ৰতিযোগিতাৰ আটাইকেইখন খেল ইউ এ ইত খেলিব।
প্ৰকাশ পোৱা সূচী অনুসৰি, লাহোৰত অনুষ্ঠিত হ’ব চেম্পিয়নছ ট্ৰফী ২০২৫ৰ ফাইনেল মেচ। কিন্তু যদি ভাৰতীয় দলটোৱে ফাইনেলত প্ৰৱেশ কৰে তেন্তে মেচখন হ’ব ডুবাইত।
চেম্পিয়নছ ট্ৰফীৰ প্ৰথমখন খেল পাকিস্তান আৰু নিউজিলেণ্ডৰ মাজত অনুষ্ঠিত হ’ব। এই খেলখন ১৯ ফেব্ৰুৱাৰীত কৰাচীত অনুষ্ঠিত হ’ব। ইয়াৰ পিছত ভাৰত আৰু বাংলাদেশৰ মাজত খেল অনুষ্ঠিত হ’ব। এই খেলখন ২০ ফেব্ৰুৱাৰীত অনুষ্ঠিত হ’ব।
আফগানিস্তানৰ প্ৰথমখন খেল দক্ষিণ আফ্ৰিকাৰ বিৰুদ্ধে। এই খেলখন কৰাচীত অনুষ্ঠিত হ’ব। অহা ২২ ফেব্ৰুৱাৰীত অষ্ট্ৰেলিয়া আৰু ইংলেণ্ডৰ মাজত অনুষ্ঠিত হ’ব হাইভল্টেজ মেচ।
ভাৰতে কেতিয়া আৰু ক’ত কাৰ লগত খেলিব?
প্ৰথমখন খেলত বাংলাদেশৰ বিৰুদ্ধে মুখামুখি হ’ব টিম ইণ্ডিয়া। ইয়াৰ পিছত পাকিস্তানৰ মুখামুখি হ’ব। এই খেলখন ২৩ ফেব্ৰুৱাৰীত অনুষ্ঠিত হ’ব। ২ মাৰ্চত ভাৰত আৰু নিউজিলেণ্ডৰ মাজত অনুষ্ঠিত হ’ব এই খেলখন। টিম ইণ্ডিয়াই নিজৰ সকলো মেচ কেৱল ডুবাইতহে খেলিব।
আইচিচি পুৰুষৰ চেম্পিয়নছ ট্ৰফী ২০২৫ৰ সূচী –
১৯ ফেব্ৰুৱাৰী – পাকিস্তান বনাম নিউজিলেণ্ড, নেচনেল ষ্টেডিয়াম, কৰাচী
২০ ফেব্ৰুৱাৰী – বাংলাদেশ বনাম ভাৰত, ডুবাই আন্তঃৰাষ্ট্ৰীয় ক্ৰিকেট ষ্টেডিয়াম, ডুবাই
২১ ফেব্ৰুৱাৰী – আফগানিস্তান বনাম দক্ষিণ আফ্ৰিকা, নেচনেল ষ্টেডিয়াম, কৰাচী
২২ ফেব্ৰুৱাৰী – অষ্ট্ৰেলিয়া বনাম ইংলেণ্ড, গাদ্দাফি ষ্টেডিয়াম, লাহোৰ
২৩ ফেব্ৰুৱাৰী – পাকিস্তান বনাম ভাৰত, ডুবাই আন্তঃৰাষ্ট্ৰীয় ক্ৰিকেট ষ্টেডিয়াম, ডুবাই
২৪ ফেব্ৰুৱাৰী – বাংলাদেশ বনাম নিউজিলেণ্ড, ৰাৱালপিণ্ডি ক্ৰিকেট ষ্টেডিয়াম, ৰাৱালপিণ্ডি
২৫ ফেব্ৰুৱাৰী – অষ্ট্ৰেলিয়া বনাম দক্ষিণ আফ্ৰিকা, ৰাৱালপিণ্ডি ক্ৰিকেট ষ্টেডিয়াম, ৰাৱালপিণ্ডি
২৬ ফেব্ৰুৱাৰী – আফগানিস্তান বনাম ইংলেণ্ড, গাদ্দাফি ষ্টেডিয়াম, লাহোৰ
২৭ ফেব্ৰুৱাৰী – পাকিস্তান বনাম বাংলাদেশ, ৰাৱালপিণ্ডি ক্ৰিকেট ষ্টেডিয়াম, ৰাৱালপিণ্ডি
২৮ ফেব্ৰুৱাৰী – আফগানিস্তান বনাম অষ্ট্ৰেলিয়া, গাদ্দাফি ষ্টেডিয়াম, লাহোৰ
১ মাৰ্চ – দক্ষিণ আফ্ৰিকা বনাম ইংলেণ্ড, নেচনেল ষ্টেডিয়াম, কৰাচী
২ মাৰ্চ – নিউজিলেণ্ড বনাম ভাৰত, ডুবাই আন্তঃৰাষ্ট্ৰীয় ক্ৰিকেট ষ্টেডিয়াম, ডুবাই
ফাইনেল আৰু ছেমি ফাইনেল খেল ক’ত অনুষ্ঠিত হ’ব –
৪ মাৰ্চ – ছেমি ফাইনেল ১, ডুবাই আন্তঃৰাষ্ট্ৰীয় ক্ৰিকেট ষ্টেডিয়াম, ডুবাই
৫ মাৰ্চ – ছেমিফাইনেল ২, গাদ্দাফি ষ্টেডিয়াম, লাহোৰ
৯ মাৰ্চ – ফাইনেল – গাদ্দাফি ষ্টেডিয়াম, লাহোৰ
