আজি ১৪ ফেব্ৰুৱাৰী। ভেলেণ্টাইন ডে’। কিন্তু আজিৰ এই দিনটোতে ২০১৯ চনত জম্মু–কাশ্মীৰৰ পুলৱামাত সন্ত্ৰাসবাদী আক্ৰমণত শ্বহীদ হৈছিল ৪০জনকৈ বীৰজোৱান। সন্ত্ৰাসবাদীৰ আত্মঘাতী আক্ৰমণত শ্বহীদ হৈছিল চি আৰ পি এফৰ এই ৪০জন বীৰ জোৱান।
জম্মু–শ্ৰীনগৰ ৰাষ্ট্ৰীয় ঘাইপথত চি আৰ পি এফৰ কনভয়ৰ ওপৰত হৈছিল এই ভয়ংকৰ সন্ত্ৰাসবাদী আক্ৰমণ। পাকিস্তানৰ সন্ত্ৰাসবাদী সংগঠন জইছ–ই–মহম্মদৰ সন্ত্ৰাসবাদী সংঘটিত হৈছিল এই আক্ৰমণৰ ঘটনা। সন্ত্ৰাসবাদীয়ে বিস্ফোৰকভৰ্তি বাহনেৰে চি আৰ পি এফৰ কনভয়ৰ বাহনত প্ৰচণ্ড খুন্দা মৰাৰ ফলত সংঘটিত হৈছিল ভয়ংকৰ বিস্ফোৰণ।
এই আক্ৰমণৰ কথা স্বীকাৰ কৰে পাকিস্তানৰ ইছলামিক সন্ত্ৰাসবাদী সংগঠন জইছ-ই-মহম্মদে৷ সংগঠনটোৰ সন্ত্ৰাসবাদী আদিল আহমেদ ডাৰে এখন বিস্ফোৰক ভৰ্তি বাহনেৰে চিআৰপিএফৰ কনভয়ৰ বাহনত খুন্দিওৱাৰ ফলত সংঘটিত হয় উক্ত বিস্ফোৰণটো।
জম্মু-কাশ্মীৰৰ পুলৱামা জিলাৰ অৱন্তীপুৰৰ লেথপুৰ অঞ্চলত সংঘটিত হৈছিল এই আক্ৰমণ। এই আত্মঘাতী আক্ৰমণত কেন্দ্ৰীয় সংৰক্ষিত আৰক্ষী বাহিনীৰ জোৱান নিহত হৈছিল। আজি সমগ্ৰ দেশজুৰি সেই ভয়াৱহ আক্ৰমণত শ্বহীদ হোৱা বীৰ জোৱানসকলক সকলোৱে শ্ৰদ্ধাৰে সোঁৱৰণ কৰিছে৷ নেশ্চ্যন এন ইৰ তৰফৰ পৰাও সেই ভয়াৱহ আক্ৰমণত শ্বহীদ হোৱা বীৰ যোদ্ধাসকললৈ গভীৰ শ্ৰদ্ধাঞ্জলি জ্ঞাপন কৰিলোঁ৷
