আই পি এল ২০২৫ৰ নিলামত RCB য়ে নিজৰ বলিং বহু পৰিমাণে শক্তিশালী কৰিছে। এই নিলামত মুঠ ১৯ গৰাকী খেলুৱৈ ক্ৰয় কৰিছে RCB য়ে।
আই পি এল ২০২৫ মেগা অকচনৰ দ্বিতীয় দিনা ভুৱনেশ্বৰ কুমাৰৰ সৈতে ডাঙৰ চুক্তি কৰে ৰয়েল চেলেঞ্জাৰছ বাংগালোৰে। ভুৱীক ক্ৰয় কৰি RCB য়ে নিজৰ বলিং আৰু অধিক দৃঢ়তৰ কৰাৰ চেষ্টা কৰিছে।কিয়নো এই দলটোত ইতিমধ্যে হেজলউডৰ দৰে বলাৰো আছে আৰু এতিয়া যেতিয়া ভুৱী আৰু হেজলউডে একেলগে বলিং কৰিব, তেতিয়া স্পষ্টভাৱে বিপক্ষ দলৰ বাবে পৰিস্থিতি ভাল দেখা নাযাব।
১০.৭৫ কোটি টকাত RCB য়ে ক্ৰয় কৰে ভুৱনেশ্বৰ কুমাৰক। ইয়াৰ পূৰ্বে এই দলটোৱে ১২.৫০ কোটিত হেজলউডক ক্ৰয় কৰিছিল, যি এই দলৰ নিলামত আটাইতকৈ দামী খেলুৱৈ। ৬ কোটি টকাত ৰসিক চালামক ক্ৰয় কৰাটো আৰচিবিৰ সৰ্বোত্তম চুক্তি হিচাপে বিবেচিত হৈছে।
ইয়াৰ উপৰিও এই দলটোৱে উইকেটকীপাৰ বেটছমেন জিতেশ শৰ্মা, ফিল ছল্ট আৰু লিয়াম লিভিংষ্টনকো ক্ৰয় কৰিছে, যাৰ বাবে বলিঙৰ লগতে বেটিংও সজীৱ হ’বলৈ আৰম্ভ কৰিছে। ভাৰতীয় উইকেটকীপাৰ জিতেশ শৰ্মাকো RCB য়ে ১১ কোটি টকাৰ বিপুল মূল্যত ক্ৰয় কৰিছিল। এই খেলুৱৈজন মেচ ফিনিছাৰৰ ভূমিকা পালন কৰাত পাকৈত।
৩গৰাকী ৰিটেনচন খেলুৱৈ-
বিৰাট কোহলী (২১ কোটি), ৰজত পাটিদাৰ (১১ কোটি) আৰু যশ দয়াল (৫ কোটি)
RCB ৰ নতুন খেলুৱৈ
লিয়াম লিভিংষ্টন (৮.৭৫ কোটি), ফিল ছল্ট (১১.৫০ কোটি), জিতেশ শৰ্মা (১১ কোটি), হেজলউড (১২.৫০ কোটি), ৰসিক চালাম (৬ কোটি), সুৱাশ শৰ্মা-২.৬ কোটি, ক্ৰুনাল পাণ্ডিয়া- ৫.৭৫ কোটি, ভুৱনেশ্বৰ কুমাৰ-১০.৭৫, মোহিত ৰাথী (৩০ লাখ), অভিনন্দন সিং(৩০ লাখ), লুংগী ঙিদি (১ কোটি)।
