২ মাহৰ যুদ্ধবিৰতিৰ পিছত পুনৰ ইৰাণক আমেৰিকা আৰু ইজৰাইলে আক্ৰমণৰ লক্ষ্য কৰি ল’ব পাৰে। তেহৰাণ, টেল আভিভ আৰু ৱাশ্বিংটনৰ পৰা এই বিষয়ে ৩টা ডাঙৰ ইংগিত পোৱা গৈছে।
এফালে আমেৰিকাই পুনৰ ডিয়েগো গাৰ্চিয়াৰ নৌসেনা ঘাটিত নিজৰ সৈন্য নিয়োগ কৰিছে। একে সময়তে তেহৰাণত খামেনেইৰ সামৰিক উপদেষ্টাগৰাকীয়েও যুদ্ধৰ সম্ভাৱনা প্ৰকাশ কৰিছে।
২০২৫ চনৰ জুন মাহত ইৰাণ আৰু ইজৰাইলৰ মাজত ১২ দিনীয়া যুদ্ধ হৈছিল।এই যুদ্ধত ডজনৰো অধিক ইৰাণৰ পাৰমাণৱিক বিজ্ঞানী আৰু সামৰিক সেনাপতি নিহত হৈছিল। যুদ্ধত ৬০০ৰো অধিক সাধাৰণ নাগৰিকৰ মৃত্যু হয়। ইজৰাইলেও যুদ্ধত বহুত কষ্ট পাইছিল।
যুদ্ধৰ সম্ভাৱনাময় ৩টা ডাঙৰ ইংগিত হৈছে-
১)আমেৰিকাই ইতিমধ্যে উপগ্ৰহৰ ছবি বিশ্লেষণ কৰিছে। এই অনুসৰি আমেৰিকাই পুনৰ ডিয়েগো গাৰ্চিয়া নৌসেনা ঘাটিত নিজৰ সৈন্য মোতায়েন কৰিছে। ইৰাণৰ ওপৰত শেষ আক্ৰমণৰ পূৰ্বে আমেৰিকাই ইয়াত নিজৰ সৈন্য আৰু জাহাজ নিয়োগ কৰিছিল। অৱশ্যে ইৰাণক পোনপটীয়াকৈ বি-২ বোমাৰু বিমানে আক্ৰমণ কৰে।
ভাৰত মহাসাগৰৰ মাজভাগত অৱস্থিত ডিয়েগো গাৰ্চিয়া। চীন আৰু ইৰাণৰ পৰা ২০০০ কিলোমিটাৰ দূৰত্বত অৱস্থিত। ইয়াৰ পৰা দুয়োখন দেশকে সহজে নিৰীক্ষণ কৰিব পাৰি। চীনে ইৰাণক অস্ত্ৰ যোগান ধৰাৰ অভিযোগ উত্থাপন হৈছে। অৱশ্যে বেইজিঙে কেতিয়াও মুকলিকৈ মানি লোৱা নাই।
২) ইৰাণৰ উচ্চতম নেতা আলী খামেনেইৰ সামৰিক উপদেষ্টা তথা আই আৰ জি চিৰ জ্যেষ্ঠ জেনেৰেল হিচাপে নিযুক্তি পোৱা ইয়াহ্যা ৰহিম ছাফাভিয়ে কয় যে, তেওঁলোক যুদ্ধবিৰতিৰ পৰ্যায়ত নহয়, বৰঞ্চ যুদ্ধৰহে পক্ষপাতী। যুদ্ধবিৰতি সন্দৰ্ভত আমাৰ আৰু আমেৰিকা বা ইজৰাইলৰ মাজত কোনো লিখিত চুক্তি নাই।
ছাফাৱীৰ মতে ইজৰাইল আৰু ইৰাণৰ মাজত যিকোনো সময়তে যুদ্ধ আৰম্ভ হ’ব পাৰে। ইৰাণৰ উপ-ৰাষ্ট্ৰপতিৰ মতে এতিয়া যুদ্ধ আৰম্ভ হ’লে ইৰাণে জয়ী হ’ব। তেওঁ ইজৰাইলক ধ্বংস কৰাৰ কথা কৈছে।
৩) আমেৰিকা আৰু ইজৰাইলে ইউৰেনিয়াম ধ্বংস কৰাৰ বাবে আগষ্ট মাহৰ সময়সীমা দিছে ইৰাণক। যোৱা সপ্তাহত ইৰাণে আন্তঃৰাষ্ট্ৰীয় পাৰমাণৱিক সংস্থাৰ বিষয়াসকলক তেহৰাণলৈ ফোন কৰিছিল যদিও ইউৰেনিয়ামৰ তথ্য প্ৰদান কৰা নাছিল। আনহাতে লেবানন আৰু য়েমেনে ইৰাণক উচটনি দিয়াৰ অভিযোগ উত্থাপন কৰিছে। এইবোৰ কাৰণত মধ্যপ্ৰাচ্যত উত্তেজনা আৰু অধিক বৃদ্ধি পাইছে।
