কাৰ্বি আংলঙত সংঘটিত হয় এক ভয়াৱহ পথ দুৰ্ঘটনা। এই ভয়ংকৰ পথ দুৰ্ঘটনাত প্ৰাণ হেৰুৱালে ৩ মহিলাই।
পশ্চিম কাৰ্বি আংলঙৰ উলুকুঞ্চিত সংঘটিত হয় এই ভয়ংকৰ পথ দুৰ্ঘটনাটো। ৩ গৰাকী মহিলাই এই দুৰ্ঘটনাটোত প্ৰাণ হেৰুৱাব লগা হয়। নিহত মহিলাকেইগৰাকী হৈছে- কুলবাৰী মালাং, চিলমি আমচং আৰু মণি আমচং।
এই দুৰ্ঘটনাটোত গুৰুতৰভাৱে আহত হয় ১৫ জনকৈ লোক। ইয়াৰে ৭ জনৰ অৱস্থাত সংকটজনক বুলি জানিব পৰা গৈছে।
তিৱা জনগোষ্ঠীৰ লাংখন উৎসৱৰ পৰা ঘৰলৈ উভতাৰ পথত এই দুৰ্ঘটনাটো সংঘটিত হয়।নিয়ন্ত্ৰণ হেৰুৱাই দুৰ্ঘটনাত পতিত হয় মেক্স পিকআপ বাহনখন।
