মুছলমানৰ আটাইতকৈ গুৰুত্বপূৰ্ণ আৰু পবিত্ৰ উৎসৱ হৈছে ঈদ-উল-ফিটৰ। ভাৰততকৈ এদিন পূৰ্বে এই উৎসৱ পালন কৰা হয় ছৌদি আৰৱত। এই কথা আমি সকলোৱে জানো, কিন্তু আপুনি জানেনে, ভাৰতৰো কেইখনমান ৰাজ্য আছে য’ত ছৌদি আৰৱৰ সৈতে একেটা দিনতে পালন কৰা হয় ঈদ।
ছৌদি আৰৱে পালন কৰা দিনটোতে ঈদ উদযাপন কৰা হয় ভাৰতৰ কেৰালা আৰু জম্মুত। ছৌদি আৰৱ আৰু হিন্দুস্তানৰ মাজত সময়ৰ ব্যৱধান প্ৰায় চাৰি ঘণ্টা। অৱশ্যে কেতিয়াবা কেতিয়াবা হিন্দুস্তান আৰু ছৌদি আৰৱত একেদিনাই জোন দেখা যায় আৰু এটা দিনতেই ঈদো পালন কৰা হয়।
উল্লেখ্য যে, কেৰালা আৰু জম্মুত ৰমজান আৰু ঈদ ছৌদি আৰৱৰ তাৰিখ মতেই উদযাপন কৰা হয়। কেৰালাৰ লোকসকলে ভাবে যে ছৌদি আৰৱত অধিক মুছলমান লোকে বাস কৰে আৰু কৰ্মসূত্ৰে কেৰালাৰ অধিকাংশ লোকো ছৌদিত থাকে সেয়ে তেওঁলোকৰ সৈতে এটা দিনতেই ঈদ পালন কৰে কেৰালাবাসীয়ে।
এই ৰাজ্যসমূহৰ বাহিৰে বাকী সকলো ঠাইতে জোন দেখা অনুযায়ী ঈদ পালন কৰা হয়। এইবাৰ ২ মাৰ্চৰ পৰা ৰমজান মাহ আৰম্ভ হৈছিল আৰু ইছলামিক কেলেণ্ডাৰ অনুসৰি মাহটো ৩০ বা ২৯ দিনৰ। ইছলামিক কেলেণ্ডাৰত মাহবোৰ সাধাৰণ কেলেণ্ডাৰৰ দৰে ৩০ বা ৩১ৰ নহয়।
অনুমান অনুসৰি এইবাৰ ঈদ ১ এপ্ৰিল বা ৩১ মাৰ্চত হোৱাৰ সম্ভাৱনা আছে। জোন দেখাৰ পিছতহে ঈদৰ দিনটো স্পষ্টকৈ ক’ব পৰা যাব। কিন্তু ছৌদি আৰৱত ৪ ঘণ্টাৰ পাৰ্থক্যৰ বাবে এদিন আগতে ঈদ পালন কৰা হয়।
