আজি অৰ্থাৎ ৫ জানুৱাৰীত পুৱা প্ৰধানমন্ত্ৰী নৰেন্দ্ৰ মোদীয়ে প্ৰয়াগৰাজত আয়োজিত মহাকুম্ভ ২০২৫ত উপস্থিত হৈ ত্ৰিবেণী সংগমত মহাস্নান কৰে। কেশৰী ৰঙৰ কাপোৰ পৰিধান কৰি স্নান কৰি মোদীয়ে গংগাক প্ৰণাম কৰি ভগবান সূৰ্য্যক অৰ্ঘ্য অৰ্পণ কৰে।
বিষয়াসকলে জনোৱা অনুসৰি, বুধবাৰে পুৱা প্ৰধানমন্ত্ৰীয়ে হেলিকপ্টাৰেৰে উপস্থিত হয় আৰু তাৰ পৰাই মুখ্যমন্ত্ৰী যোগী আদিত্যনাথে তেওঁক নাৱেৰে ত্ৰিবেণী সংগমলৈ লৈ যায় আৰু তাতেই প্ৰধানমন্ত্ৰীয়ে মহাস্নান কৰে।
ইয়াৰ পূৰ্বে ২০২৪ চনৰ ১৩ ডিচেম্বৰত প্ৰয়াগৰাজ ভ্ৰমণৰ সময়ত প্ৰধানমন্ত্ৰীয়ে ৫৫০০ কোটি টকাৰ ১৬৭টা প্ৰকল্প উদ্বোধন কৰিছিল, যিয়ে মহাকুম্ভৰ সময়ত সাধাৰণ ভক্তসকলক যথেষ্ট সুবিধা প্ৰদান কৰিছিল।
উল্লেখযোগ্য যে, বুধবাৰে পুৱা ১০ বজালৈকে প্ৰয়াগৰাজ মহাকুম্ভত ৪৭.৩০ লাখ লোকে গংগা আৰু সংগমত স্নান কৰে। ২০২৫ চনৰ ১৩ জানুৱাৰীৰ পৰা মঙলবাৰলৈ আৰম্ভ হোৱা মহাকুম্ভত ৩৮.২৯ কোটিৰো অধিক লোকে সংগমত স্নান কৰে।
