মেক্সিকোৰ উপসাগৰীয় উপকূলৰ সমীপত এখন ট্ৰাক আৰু বাছৰ মাজত এক ভয়ংকৰ সংঘৰ্ষ হয়। তাত উপস্থিত থকা লোকসকল এই ঘটনাত যথেষ্ট স্তম্ভিত হৈ পৰে।এই ঘটনাৰ পিছতে বহুতৰে থিতাতে প্ৰাণহানি হয়।
এই ঘটনাৰ পিছতে বাছৰ ভিতৰত বহি থকা একাংশ লোকে নামিবলৈ চেষ্টা কৰে, যদিও বহুতেই বেয়াকৈ আহত হয়।
এই দুৰ্ঘটনাত ৮ জন লোকৰ মৃত্যু হোৱাৰ লগতে ২৭ জন লোক আহত হয়। ভেৰাক্ৰুজ ৰাজ্যৰ বিষয়াসকলে জনোৱা অনুসৰি, ৰাজ্যখনৰ ৰাজধানী জালপাৰ সমীপত পুৱাৰ ভাগত সংঘটিত হয় এই দুৰ্ঘটনা।
এই দুৰ্ঘটনাত বাছখনত যাত্ৰা কৰা অধিকাংশ যাত্ৰী আহত হয়।এই দূৰ্ঘটনাত নিহতসকলৰ ভিতৰত আছে তিনিগৰাকী পুৰুষ, চাৰিগৰাকী মহিলা আৰু এগৰাকী কন্যা। আৰক্ষী বিষয়াৰ মতে, দুৰ্ঘটনাত আহত ২৭ জন লোকক ইতিমধ্যে চিকিৎসালয়ত ভৰ্তি কৰোৱা হৈছে।
তেওঁলোকক বৰ্তমান চিকিৎসকৰ পৰ্যবেক্ষণত ৰখা হৈছে। বৰ্তমান তেওঁৰ স্বাস্থ্যৰ উন্নতি সন্দৰ্ভত কোনো তথ্য প্ৰকাশ হোৱা নাই। ইয়াৰে অধিকাংশই ADO-Line বাছত যাত্ৰা কৰা যাত্ৰী। বৰ্তমান সময়ত এই ঘটনাৰ আঁৰৰ স্পষ্ট কাৰণ জানিব পৰা হোৱা নাই। ইতিমধ্যে এই দুৰ্ঘটনাটোৰ তদন্ত অব্যাহত আছে। মূলতঃ পাহাৰীয়া অঞ্চলৰ পথত বহু বিপদজনক বাটৰ বাবেই দুৰ্ঘটনা সংঘটিত হোৱা বুলি কোৱা হয়।
