নেপালত পুনৰ জেন-জেডৰ প্ৰতিবাদ। উচ্ছেদিত প্ৰধানমন্ত্ৰী কে পি শৰ্মা অলীৰ নেপাল কমিউনিষ্ট পাৰ্টি আৰু ইউনিফাইড মাৰ্ক্সিষ্ট লেনিনিষ্টৰ কৰ্মীৰ মাজত এক সংঘৰ্ষৰ সৃষ্টি হয়। যাৰ ফলত কৰ্তৃপক্ষই নেপালৰ বাৰা জিলাত পুনৰ সান্ধ্য আইন জাৰি কৰে।
২০ নৱেম্বৰত বৃদ্ধি পোৱা উত্তেজনা আৰু শৃংখলা পুনৰুদ্ধাৰৰ প্ৰয়োজনীয়তাৰ উল্লেখ কৰি জিলা প্ৰশাসনৰ কাৰ্যালয়ে নিশা ৮ বজালৈকে এই সান্ধ্য আইন ঘোষণা কৰে। চলিত সপ্তাহৰ আৰম্ভণিতে আৰম্ভ হোৱা এই সংঘৰ্ষ তীব্ৰতৰ হৈ পৰে যেতিয়া যুৱ প্ৰতিবাদকাৰীৰ দলে ইউএমএল সমৰ্থকৰ সৈতে সংঘৰ্ষত লিপ্ত হয়, কেতিয়াবা উত্তপ্ত আদান-প্ৰদানত লিপ্ত হয়। ইতিমধ্যে অধিক হিংসাত্মক পৰিস্থিতি ৰোধ কৰিবলৈ দেশখনত নিৰাপত্তা বাহিনী মোতায়েন কৰা হৈছে। জিলাখনত ক্ৰমবৰ্ধমান ৰাজনৈতিক অশান্তিৰ মাজতে পৰিস্থিতিৰ ওপৰত তীক্ষ্ণ নজৰ ৰখা হৈছে।
জেন জেড যুৱ নেতা সম্ৰাট উপাধ্যায়ৰ মতে, তেওঁ আৰু তেওঁৰ বন্ধুসকলে শান্তিপূৰ্ণ প্ৰতিবাদ সাব্যস্ত কৰিছিল। সম্ৰাটকে ধৰি মুঠ ১০-১২ জন লোকে চৰকাৰৰ বিৰুদ্ধে প্ৰতিবাদ সাব্যস্ত কৰে। তাত উপস্থিত চিপিএন-ইউএমএলৰ কৰ্মীসকলে হঠাতে প্ৰতিবাদকাৰীক আক্ৰমণ কৰে। এই আক্ৰমণত আহত হয় ৭ জনকৈ যুৱক।
প্ৰথমে প্ৰতিবাদ কৰিবলৈ বাধা দিয়াৰ পিছত আৰক্ষীৰ সন্মুখত আক্ৰমণৰ বলি হোৱা বুলিও সদৰী কৰে সম্ৰাটে। আৰক্ষীয়ে যুৱককেইজনক লাঠিচালনা কৰি উদ্ধাৰ কৰে ইউএমএল কৰ্মীক। সম্ৰাটে মূৰ, কপাল, পিঠি, মুখত আঘাতপ্ৰাপ্ত হয়। মহেশ বাছনেট আৰু আক্ৰমণ সংঘটিত কৰা ইউএমএল কৰ্মীক শীঘ্ৰে গ্ৰেপ্তাৰ কৰাৰ বাবে নিৰ্দ্বিধায় দাবী জনাইছে।
আহত যুৱক কেইজনৰ ভিতৰত আছে সম্ৰাট উপাধ্যায়, সুজল পাঠক, শ্বেখ চফিদ, ৰমেশ ভাণ্ডাৰী, সৌৰভ ৰিমল আদি।ছ’চিয়েল মিডিয়াত ভাইৰেল হোৱা এটা ভিডিঅ’ত যুৱক সকলে কৈছে যে, “আমি গুলী খাবলৈ সাজু, কিন্তু দোষীক শাস্তি নিদিয়ালৈকে আমি জিৰণি নলওঁ।”
