শুকুৰবাৰে সন্ধিয়া মণিপুৰৰ বিষ্ণুপুৰ জিলাত অৰ্ধসামৰিক বাহিনীৰ এখন বাহনত অস্ত্ৰধাৰী দলে কৰা আক্ৰমণৰ ফলত এজন আছাম ৰাইফলছৰ জোৱান নিহত হোৱাৰ লগতে কমেও তিনিজন জোৱান আহত হয়।
বিষ্ণুপুৰ জিলাৰ নামবোল সাবাল লেইকাই অঞ্চলত সন্ধিয়া প্ৰায় ৬ বজাত সংঘটিত হয় এই ঘটনা।
এজন বিষয়াই কয় যে ইম্ফলৰ পৰা বিষ্ণুপুৰ জিলা অভিমুখে গৈ আছিল আছাম ৰাইফলছৰ জোৱানসকল। সেই সময়তে জোৱানসকলক কঢ়িয়াই নিয়া বাহনখনত এটা অস্ত্ৰধাৰী দলে আক্ৰমণ কৰে। এই আক্ৰমণত এজন জোৱানৰ মৃত্যু হোৱাৰ লগতে আন তিনিজন জোৱান আহত হয়।
আহতসকলক আৰক্ষী আৰু স্থানীয় লোকে চিকিৎসালয়লৈ লৈ যোৱা বুলি আন এজন বিষয়াই জানিবলৈ দিয়ে।
