পাকিস্তানে ড্ৰোনেৰে ভাৰতক অহৰহ আক্ৰমণ কৰিবলৈ চেষ্টা চলাই আছে। ৯ মে’ত পাকিস্তানে ভাৰতৰ বহু চহৰত ক্ষেপণাস্ত্ৰ নিক্ষেপ কৰাৰ চেষ্টা কৰিছিল যদিও ভাৰতে পাকিস্তানৰ সকলো প্ৰচেষ্টা বিফল কৰে।
পাকিস্তানলৈ প্ৰতিশোধৰ স্বাৰ্থত ভাৰতে পাকিস্তানৰ চেক প’ষ্টটো উৰুৱাই দিয়ে। লগতে সন্ত্ৰাসবাদীৰ লঞ্চ পেডো ধ্বংস কৰে। ইয়াৰ ভিডিঅ’ এতিয়া পোহৰলৈ আহিছে।
ভাৰতীয় সেনাই জম্মুৰ সমীপত পাকিস্তানী চকী আৰু সন্ত্ৰাসবাদী লঞ্চ পেড ধ্বংস কৰিছে। ভিডিঅ’টোত দেখা গৈছে যে কেনেকৈ এটা ষ্ট্ৰ’কতে লঞ্চ পেডবোৰ ধ্বংস হৈছিল। ৯ মে’ৰ নিশা পাকিস্তানে জম্মু-কাশ্মীৰৰ পৰা গুজৰাটলৈকে ২৬টা স্থানত ড্ৰ’ন আক্ৰমণ চলায়। বিমানবন্দৰ আৰু বায়ুসেনাৰ ঘাটিত পাকিস্তানে কৰা এই আক্ৰমণ বিফল হোৱা বুলি প্ৰতিৰক্ষা মন্ত্ৰালয়ে প্ৰকাশ কৰে।
৯ মে’ৰ গভীৰ নিশা ভাৰতীয় সেনাই কেইবাটাও স্থানত পাকিস্তানী ড্ৰোন আক্ৰমণ বিফল কৰাৰ কেইঘণ্টামানৰ পাছত আজি পুৱা শ্ৰীনগৰ চহৰত একাধিক বিস্ফোৰণৰ শব্দ শুনা যায়।
বিষয়াসকলে জনোৱা মতে, বিমানবন্দৰকে ধৰি গুৰুত্বপূৰ্ণ ইনষ্টলেশ্যনৰ ওচৰত বিস্ফোৰণৰ শব্দ শুনা গৈছে। বিস্ফোৰণৰ শব্দ শুনাৰ লগে লগে জম্মু ভিন ভিন স্থানত ছাইৰেন বাজিবলৈ ধৰে। বিষয়াসকলে জনোৱা মতে, চহৰসমূহত আৰু উপত্যকাৰ বেছিভাগ ঠাইতেই বিদ্যুৎ বিচ্ছিন্ন হৈ পৰে।
