ভাৰত-পাকিস্তানৰ শেহতীয়া পৰিস্থিতিক লৈ ভাৰতৰ বৈদেশিক মন্ত্ৰ্যালয়ে সংবাদমেল অনুষ্ঠিত কৰে। এই সংবাদমেদত বৈদেশিক সচিব মিক্ৰম মিশ্ৰীৰ লগতে ভাৰতীয় সশস্ত্ৰ বাহিনীৰ দুগৰাকী জ্যেষ্ঠ মহিলা বিষয়া ক্ৰমে উইং কমাণ্ডাৰ ভূমিকা সিং আৰু কৰ্ণেল ছোফিয়া কুৰেশ্বীয়ে যৌথভাৱে আজি সংবাদমেলৰ জৰিয়তে কিছু গুৰুত্বপূৰ্ণ তথ্য সদৰী কৰে।
সংবাদমেলত বৈদেশিক সচিব বিক্রম মিশ্রীয়ে পাকিস্তানৰ অপপ্রচাৰ উদঙাই দি কয় যে– ভাৰতীয় ক্ষেপণাস্ত্ৰই আফগানিস্তানক লক্ষ্য কৰি লৈছে বুলি ভুৱা দাবী কৰিছে পাকিস্তানে৷ এইটো সম্পূৰ্ণ মিছা আৰু ভিত্তিহীন অভিযোগ। বিগত ডেৰ বছৰ ধৰি আফগানিস্তানৰ জনসাধাৰণক পাকিস্তানক আক্ৰমণ কৰিছে আৰু সাধাৰণ নাগৰিক আৰু আন্তঃগাঁথনিক লক্ষ্য কৰি কেইবাবাৰো আফগানিস্তানক আক্ৰমণ কৰি আহিছে।
উল্লেখযোগ্য যে, পাকিস্তানী সেনাই দাবী কৰিছিল যে, ভাৰতীয় সেনাই আফগানিস্তানত মিছাইল আৰু ড্ৰোন আক্ৰমণ চলাই আছে, যি এক ডাঙৰ আৰু বিপজ্জনক পৰিকল্পনাৰ অংশ আছিল। এই আক্ৰমণৰ লক্ষ্য সমগ্ৰ অঞ্চলটোক অশান্তিৰ দিশে ঠেলি দিয়া বুলি অপপ্ৰচাৰ চলাই আছে পাকিস্তানৰ সেনাই।
বৈদেশিক সচিবগৰাকীয়ে কয় যে, পাকিস্তানৰ ৰাষ্ট্ৰীয় সংস্থাসমূহে বহুতো ভুৱা তথ্য প্ৰচাৰ কৰি আহিছে। পাকিস্তানে দাবী কৰিছে যে, ভাৰতৰ সামৰিক ইনষ্টলেশ্যনৰ ক্ষতি হৈছে, এইটো এটা গোকাট মিছা কথা। ছিৰছা আৰু আদমপুৰ বিমানঘাটিৰ ক্ষতিৰ দাবীও সম্পূৰ্ণৰূপে মিছা।
সংবাদমেলৰ সময়ত এই বিমান ঘাটিসমূহৰ ছবিও দেখুওৱা হৈছিল, য’ত দেখা গৈছিল যে তাত সকলো স্বাভাৱিক অৱস্থাত আছে৷ বৈদেশিক সচিবগৰাকীয়ে কয় যে, পাকিস্তানে অসামৰিক স্থানক লক্ষ্য কৰি লৈছে যদিও শক্ৰদেশৰ সকলো অপচেষ্টা প্ৰতিহত কৰিবলৈ সক্ষম হৈছে ভাৰতীয় সেনাই।
