আয়াৰলেণ্ড ক্ৰিকেট দলৰ ৩৪ বছৰীয়া অপেনিং বেটাৰ পিটাৰ মুৰে আন্তঃৰাষ্ট্ৰীয় ক্ৰিকেটৰ পৰা অৱসৰ গ্ৰহণ কৰাৰ কথা ঘোষণা কৰিছে। আন্তঃৰাষ্ট্ৰীয় ক্ৰিকেট কেৰিয়াৰৰ তিনিওটা ফৰ্মেট মিলি তেওঁ মুঠ ৮৫ খন মেচ খেলিছে।
আন্তঃৰাষ্ট্ৰীয় ক্ৰিকেট কেৰিয়াৰত আয়াৰলেণ্ডৰ হৈ অভিষেক ঘটা নাছিল এইগৰাকী ক্ৰিকেটাৰৰ। আয়াৰলেণ্ডৰ হৈ তেওঁ কেৱল টেষ্ট ফৰ্মেটহে খেলিছিল।
উল্লেখ্য যে, যিখন দেশৰ হৈ আন্তঃৰাষ্ট্ৰীয় কেৰিয়াৰ আৰম্ভ কৰিছিল সেই দেশখনৰ বিৰুদ্ধেই তেওঁ অন্তিমখন টেষ্টত অংশ লৈছিল। পিটাৰ মুৰে দুখন দেশৰ হৈ আন্তঃৰাষ্ট্ৰীয় ক্ৰিকেট খেলিছিল।
১৯৯১ চনৰ ২ ফেব্ৰুৱাৰীত জিম্বাবৱেৰ হাৰাৰেত জন্মগ্ৰহণ কৰা পিটাৰ মুৰে ২০১৪ চনৰ ২৬ নৱেম্বৰত জিম্বাবৱেৰ হৈ বাংলাদেশৰ বিৰুদ্ধে প্ৰথমবাৰৰ বাবে আন্তঃৰাষ্ট্ৰীয় ক্ৰিকেটত অংশ লৈছিল।
২০১৯ চনত তেওঁক জিম্বাবৱেৰ উপ-অধিনায়ক হিচাপেও নিযুক্তি দিয়া হৈছিল। ইয়াৰ পিছত তেওঁ আইৰিছ পাছপোৰ্ট লাভ কৰাত আয়াৰলেণ্ড দলৰ হৈ ক্ৰিকেট খেলিবলৈ আৰম্ভ কৰে। ২০২৩ চনত আয়াৰলেণ্ডৰ হৈ টেষ্ট ক্ৰিকেটত তেওঁৰ অভিষেক ঘটিছিল।
২০২৫ চনৰ ১০ ফেব্ৰুৱাৰীত পিটাৰে জিম্বাবুৱেৰ বিৰুদ্ধে অন্তিমখন টেষ্ট খেলিছিল, য’ত তেওঁ মুঠ ৩৪ ৰানহে সংগ্ৰহ কৰিছিল। পিটাৰে আয়াৰলেণ্ডৰ বিৰুদ্ধে কেৱল টেষ্ট ফৰ্মেটতহে খেলিছিল, আনহাতে জিম্বাবৱেৰ বিৰুদ্ধে তিনিওটা ফৰ্মেটতে খেলিছিল।
পিটাৰৰ আন্তঃৰাষ্ট্ৰীয় কেৰিয়াৰ
আন্তঃৰাষ্ট্ৰীয় কেৰিয়াৰত পিটাৰ মুৰে ১৫খন টেষ্ট, ৪৯খন এদিনীয়া আৰু ২১খন টি-২০ মেচ খেলিছিল। তেওঁ টেষ্টত ৭৩৪, এদিনীয়াত ৮২৭ আৰু টি-২০ ক্ৰিকেটত ৩৬৪ ৰান সংগ্ৰহ কৰে। তেওঁৰ নামত এটাও শতক নাই যদিও ১১টা অৰ্ধশতক অৰ্জন কৰিবলৈ সক্ষম হৈছে।
