১৮ সংখ্যক লোকসভাৰ প্ৰটেম স্পীকাৰৰ দায়িত্ব গ্ৰহণ কৰিলে ভৰ্তহৰি মহতাবে। উৰিষ্যাৰ বিজেপি সাংসদ ভৰ্তহৰি মহতাবে ১৮সংখ্যক লোকসভাৰ প্ৰটেম স্পীকাৰ হিচাবে শপত লয়।
ৰাষ্ট্ৰপতি দ্ৰৌপদী মুৰ্মূৱে ৰাষ্ট্ৰপতি ভৱনত শপত বাক্য পাঠ কৰোৱাই ভৰ্তহৰি মহতাবক। প্ৰটেম স্পীকাৰ এক অস্থায়ী পদ। প্ৰটেম স্পীকাৰৰ দায়িত্ব থাকে নতুনকৈ হোৱা সাংসদত সকলক শপত বাক্য পাঠ কৰোৱা। লোকসভাৰ অধ্যক্ষৰ নিৰ্বাচন নোহোৱা পৰ্যন্ত পীঠাসীন অধিকাৰী ৰূপে কাৰ্যনিৰ্বাহ পালন কৰিব ভৰ্তহৰি মহতাবে। আনহাতে মহতাবক প্ৰটেম স্পীকাৰৰ দায়িত্ব দিয়াৰ বাবে কঠোৰ সমালোচনা কৰিছে বিৰোধীয়ে। ভৰ্তহৰি মহতাব সাতবাৰকৈ হৈছিল সাংসদ। যাৰ বাবে এই পদৰ বাবে তেওঁ উপযুক্ত বুলি দোহাৰিছে কীৰেণ ৰিজিজুৱে। ভৰ্তিহৰি মহতাবে বিজু জনতা দল এৰি বিজেপিত যোগদান কৰিছিল। বিজু জনতা দলৰ হৈ ১৯৯৮ৰ পৰা কটক আসনত ছয়বাৰকৈ জয়ী হৈছিল ভৰ্তহৰি মহতাবে। এইবাৰ বিজেপিৰ হৈ নিৰ্বাচন খেলি জয়ী হৈছে ভৰ্তহৰি মহতাবে। বৰ্তমান বিজেপিৰ সাংসদ ভৰ্তহৰি মহতাব। ১৮ সংখ্যক লোকসভাৰ প্ৰথম কাৰ্যক্ৰমণিকা আজিৰে পৰা আৰম্ভ হৈছে। নৱনিৰ্বাচিত সদস্যসকলক আজি অথবা ২৫জুনৰ দিনা শপত বাক্য পাঠ কৰোৱাব প্ৰটেম স্পীকাৰে। ইযাৰ পিছত ২৬ জুন তাৰিখে লোকসভাৰ নতুন অধ্যক্ষৰ বাবে নিৰ্বাচন অনুষ্ঠিত কৰা হ’ব।
ভৰ্তহৰি মহতাব প্ৰাক্তন মুখ্যমন্ত্ৰী ডাঃ হৰেকৃষ্ণ মহতাবৰ পুত্ৰ। ৰাজনৈতিক নেতাৰ উপৰিও ভৰ্তহৰি মহতাব এগৰাকী সাহিত্যিক। উৎকল বিশ্ববিদ্যালয়ৰ পৰা পোষ্ট গ্ৰেজুৱেট কৰিছে ভৰ্তহৰি মহতাবে। ইয়াৰ পিছতে ৰাজনীতিৰ পথাৰত ভৰি দিছিল ভৰ্তহৰি মহতাবে। ১৯৯৮ চনত বিজু জনতা দলৰ পৰা টিকট লাভ কৰি প্ৰথমবাৰৰ বাবে কটকৰ পৰা লোকসভা নিৰ্বাচন খেলিছিল ভৰ্তহৰি মহতাবে। বিজু জনতা দলৰ পৰা টিকট লৈ জয়ী হৈছিল ভৰ্তহৰি মহতাব। সাংসদ হিচাপে নিৰ্বাচিত হৈ কটক আসনৰ পৰা ছয়বাৰকৈ সাংসদ হৈছিল ভৰ্তহৰি মহতাব। ২০২৪ৰ ২৮ মাৰ্চত বিজু জনতা দল ত্যাগ কৰি বিজেপিত যোগদান কৰিছিল ভৰ্তহৰি মহতাবে। এইবাৰ বিজেপিৰ পৰা টিকট লাভ কৰি কটক আসনত জয়ী হৈ পুনৰ সাংসদ হয় ভৰ্তহৰি মহতাব।
