পঞ্জাৱৰ শাসনাধিষ্ঠ দল আম আদমি পাৰ্টি চমুকৈ আপত মোক্ষম আঘাত। দলটোৰ খৰাৰ সমষ্টিৰ বিধায়ক তথা প্ৰাক্তন মন্ত্ৰী আনমোল গগন মানে বিধায়ক পদৰ পৰা পদত্যাগ কৰাৰ খবৰ আহিছে।
ৰাজনীতিৰ লগতে পঞ্জাৱৰ এগৰাকী জনপ্ৰিয় গায়িকা হিচাপে পৰিচিত আনমোল গগন মানে নিজৰ ছ’চিয়েল মিডিয়াত লিখিছে যে তেওঁ অত্যন্ত দুখী যদিও ৰাজনীতি ত্যাগ কৰাৰ সিদ্ধান্ত গ্ৰহণ কৰিছে।
আনমোল গগন মানে কয় যে এগৰাকী বিধায়ক হিচাপে তেওঁ পদত্যাগ পত্ৰ বিধানসভাৰ অধ্যক্ষক প্ৰদান কৰিছে। পদত্যাগ গ্ৰহণ কৰিব বুলি দৃঢ় বিশ্বাসী। আশা কৰো যে পঞ্জাৱ চৰকাৰে জনসাধাৰণৰ আশা পূৰণ কৰিব।
তেওঁ নিজৰ এক্স হেণ্ডেলত লিখিছে, ‘মোৰ হৃদয় গধুৰ, কিন্তু মই ৰাজনীতি ত্যাগ কৰাৰ সিদ্ধান্ত গ্ৰহণ কৰিছো। মোৰ পদত্যাগ গ্ৰহণ কৰিবলৈ অধ্যক্ষক অনুৰোধ জনাইছো। মোৰ শুভেচ্ছা দলৰ সৈতে। মই আশা কৰিছো যে পঞ্জাৱ চৰকাৰে জনসাধাৰণৰ আশা পূৰণ কৰিব।’
