সাজু হৈ উঠিছে ৰাষ্ট্ৰীয় স্বয়ংসেৱক সংঘৰ দিল্লী কাৰ্যালয়ৰ ‘কেশৱ কুঞ্জ’ৰ নতুন ভৱন। ১৯৬২ চনৰ পৰা এই সংস্থাটোৱে ইয়াত কাম কৰি আহিছে।
২০১৮ চনত আৰম্ভ হোৱা এই ভৱনৰ নতুন নিৰ্মাণ ৮ বছৰৰ পিছত সম্পূৰ্ণ হ’ব।তিনিটাকৈ বহুমহলীয়া অট্টালিকাৰে পৰিবেষ্টিত আৰ এছ এছ এৰ এই নতুন দপ্তৰ অচিৰেই উদ্ধোধন কৰিব সংঘ প্ৰধান মোহন ভাগৱতে।
গুজৰাটৰ আৰ্কিটেক্ট ‘অনুপ দবে’য়ে এই ভৱনৰ নিৰ্মাণ কাৰ্য সম্পন্ন কৰিছে। ৩.৭৫ বিঘা ১৫০ কোটিৰে এই ভৱনৰ নিৰ্মাণ কাৰ্য সম্পন্ন কৰা হৈছে। ১২ মহলাৰে এই অট্টালিকা নিৰ্মাণ কৰা হৈছে। ইয়াত ৩০০ টা ৰুম আছে। কোৱা হৈছে যে, অট্টালিকা নিৰ্মাণৰ বাবে এই ধনৰাশি ৭৫ হাজাৰ লোকে দান কৰিছে।
মূল অট্টালিকাটো বিশ্ব হিন্দু পৰিষদৰ নেতা অশোক সিংঘলৰ স্মৃতিত বনোৱা হৈছে, যি অযোধ্যাৰ ৰাম মন্দিৰৰ মুখ্য সমৰ্থকৰ মাজত এজন আছিল।
সূত্ৰই জনোৱা অনুসৰি, RSS ৰ এই কাৰ্যালয়ত বিষয়া আৰু প্ৰচাৰকৰ বাবে থকাৰ ব্যৱস্থাৰ লগতে পুথিভঁৰাল, স্বাস্থ্যসেৱা আৰু নলা পৰিশোধন প্লাণ্ট আছে। ইয়াৰ মুঠ শক্তিৰ প্ৰয়োজনীয়তাৰ এটা অংশ পূৰণ কৰিবলৈ ইয়াৰ সৌৰশক্তিৰ সুবিধাও আছে।
তদুপৰি পানী সংৰক্ষণৰ ব্যৱস্থাৰ লগতে সংগ্ৰহালয়ৰ ব্যৱস্থাও আছে। অট্টালিকাটোত হাজাৰৰো অধিক দুৱাৰ ফ্ৰেম গ্ৰেনাইটৰ পৰা তৈয়াৰ কৰা হৈছে।
এই কাৰ্যালয়ত RSS ৰ সৈতে জড়িত সাপ্তাহিক আলোচনী পঞ্চজন্যা আৰু অৰ্গেনাইজাৰৰ লগতে প্ৰকাশন কোম্পানী সুৰুচি প্ৰকাশন আৰু ইতিহাস সংগ্ৰহৰ কাৰ্যালয়ও থাকে।
কেম্পাছৰ পিছফালে থকা মুকলি খেলপথাৰত আৰ এছ এছৰ প্ৰতিষ্ঠাপক সৰসংঘচালক ড০ কেশৱ ৰাও বলিৰাম হেডগেৱাৰৰ জীৱন্ত আকাৰৰ প্ৰতিমূৰ্তি স্থাপন কৰা হৈছে, যাৰ সন্মুখত নিয়মীয়া অনুশীলন অনুষ্ঠিত হ’ব।
২১ মাৰ্চৰ পৰা ২৩ মাৰ্চলৈ বেংগালুৰুত অনুষ্ঠিত হ’ব সংঘৰ সৰ্বভাৰতীয় প্ৰতিনিধি সভাৰ বৈঠক। সংঘৰ এই সৰ্বোচ্চ সিদ্ধান্ত গ্ৰহণকাৰী সংস্থাটোত সংঘ আৰু ইয়াৰ সংযুক্ত সংগঠনসমূহৰ উচ্চপদস্থ বিষয়াকে ধৰি প্ৰায় ১৫০০ লোকে অংশগ্ৰহণ কৰে।
এই বৈঠকত সাংগঠনিক বিষয়ৰ লগতে বহু ডাঙৰ ডাঙৰ প্ৰাসংগিক বিষয়সমূহৰ ওপৰতো আলোচনা কৰা হয় আৰু বহু বিষয়ত প্ৰস্তাৱ গ্ৰহণ কৰা হয়।
