টি-২০ ক্ৰিকেটত ভাৰতীয় খেলুৱৈসকলে নিজৰ বিস্ফোৰক বেটিঙেৰে সমগ্ৰ বিশ্বতে এক সুকীয়া পৰিচয় গঢ়ি তুলিছে। পৰিসংখ্যা অনুসৰি, ৰোহিত শৰ্মাৰ পৰা শ্ৰেয়াছ আয়াৰলৈকে ভাৰতীয় বেটছমেনে ৬ কোবাই বিপক্ষ দলৰ বলাৰক বাৰে বাৰে চিন্তাত পেলাইছে।
জানো আহক টি-২০ত কোনজন ভাৰতীয় বেটছমেনে সৰ্বাধিক ছয় কৰিছে।
- ৰোহিত শৰ্মা
ভাৰতীয় অধিনায়ক ৰোহিত শৰ্মাই টি-২০ ক্ৰিকেটৰ সৰ্ববৃহৎ ৬ হিটাৰ হিচাপে প্ৰমাণিত হৈছে। তেওঁ এই পৰ্যন্ত ৪৬৩ খন মেচত ১১১০ টা ছয় কৰিছে। ২০০৭ চনৰ পৰা চলি অহা তেওঁৰ এই দক্ষতাই তেওঁক টি-২০ ক্ৰিকেটৰ আটাইতকৈ ডাঙৰ এজন বেটছমেন হিচাপে গঢ়ি তুলিছে।
- বিৰাট কোহলী
বিৰাট কোহলী হয়তো কাৰিকৰী খেল আৰু ৰান মেচিন ইমেজৰ বাবে বিখ্যাত, কিন্তু টি-২০ত তেওঁৰ ৬ৰ অভিলেখো অতি আকৰ্ষণীয়। তেওঁ ৪১৪খন মেচত ৪৩৫টা ছয় কৰিছে।
- সূৰ্য্যকুমাৰ যাদৱ
সূৰ্যকুমাৰ যাদৱৰ আগ্ৰাসী বেটিঙে তেওঁক বিশ্বৰ আটাইতকৈ বিপজ্জনক টি-২০ বেটছমেন হিচাপে পৰিগণিত কৰিছে। ৩২৫খন মেচত ৩৮০টা ৬ অৰ্জন কৰাৰ লগতে ৩৬০ ডিগ্ৰী শ্বটৰ বাবে বিখ্যাত।
- সঞ্জু চেমচন
সঞ্জু চেমছনে ২০১১ চনৰ পৰা খেলা ৩০৪খন মেচত ৩৫০টা ছয় কৰে। তেওঁৰ বেটিঙত শক্তি আৰু স্থিৰতাৰ এক বৃহৎ সংমিশ্ৰণ দেখা যায়।
- এম এছ ধোনী
ভাৰতৰ প্ৰাক্তন অধিনায়ক মহেন্দ্ৰ সিং ধোনিয়ে নিজৰ অধিনায়কত্বৰ লগতে ৬ৰ সৈতেও ডাঙৰ অৱদান আগবঢ়াইছে। ৪০৫ খন মেচত ৩৫০ ৰান ছয় কৰাৰ লগতে কঠিন পৰিস্থিতিত শেষৰ বলত ছয় মাৰি দলটোক জয়ৰ দিশত আগুৱাই লৈ গৈছে।
- কে এল ৰাহুল
টাইমিং আৰু ক্লাছিক শ্বটৰ বাবে পৰিচিত কে এল ৰাহুল। ২৩৯খন মেচত ৩৩২টা ছয় অর্জন কৰি ভাৰতীয় দলৰ বেটিং লাইন আপক ধাৰাবাহিকভাৱে শক্তিশালী কৰি তুলিছে৷
- সুৰেশ ৰাইনা
ভাৰতীয় ক্ৰিকেটৰ আৰম্ভণিৰ টি-২০ তাৰকা হিচাপে পৰিগণিত হৈছে সুৰেশ ৰাইনা। ২০০৬ চনৰ পৰা ২০২১ চনলৈ খেলা ৩৩৬ খন মেচত মুঠ ৩২৫ টা ছয় অৰ্জন কৰাৰ লগতে ভাৰতৰ হৈ বহু গুৰুত্বপূৰ্ণ মেচত জয়লাভ কৰিছে।
- হাৰ্দিক পাণ্ডিয়া
পাৱাৰ হিটিঙৰ বাবে বিখ্যাত হাৰ্ডিক পাণ্ডিয়া। ৩০২খন মেচত ২৯৮টা ছয় অৰ্জন কৰাৰ লগতে টিম ইণ্ডিয়াৰ বাবে এজন গুৰুত্বপূৰ্ণ অল ৰাউণ্ডাৰ হিচাপে প্ৰমাণিত হৈছে।
- শ্ৰেয়াছ আয়াৰ
শ্ৰেয়াছ আয়েৰে ২০১৪ চনৰ পৰা এতিয়ালৈকে খেলা ২৪০খন মেচত ২৮৬টা ছয় কৰিছে। তেওঁৰ বেটিঙত শক্তি আৰু স্থিৰতা দুয়োটা দেখা যায়।
