অভিনেতা সুশান্ত সিং ৰাজপুত গোচৰৰ পুনৰ হ’ব তদন্ত। মহাৰাষ্ট্ৰৰ এগৰাকী বিজেপি বিধায়কে কৰিছে এই দাবী। মহাৰাষ্ট্ৰ চৰকাৰে স্পেচিয়েল ইনভেষ্টিগেশ্যন টীম (এছ আই টি)ৰ দ্বাৰা এই গোচৰৰ পুনৰ তদন্ত কৰাৰ সিদ্ধান্ত লোৱা বুলি মন্তব্য কৰিছে বিজেপি বিধায়ক ৰাম কদমে। এটা নিউজ এজেন্সিত দিয়া সাক্ষাতকাৰত এই মন্তব্য কৰিছে বিধায়কজনে।
বিজেপি বিধায়কগৰাকীয়ে অভিযোগ উত্থাপন কৰি কয় যে উদ্ভৱ থাকৰে চৰকাৰে ৬৮ দিনলৈকে এই গোচৰটোৰ তদন্ত কৰিবলৈ চিবিআইক অৰ্পণ কৰা নাছিল। কেতিয়া অৰ্পণ কৰা হৈছিল, যেতিয়া ঘৰৰ ফাৰ্নিচাৰ আঁতৰোৱা হৈছিল, ঘৰটোত নতুনকৈ ৰং দিয়া হৈছিল, ঘৰটো গটোৱা হৈছিল পুৰণি মালিকক, বিহাৰৰ আৰক্ষীক তদন্ত কৰিবলৈ দিয়া হোৱা নাছিল। এই সকলোবোৰ যদি যোগ দিও তেন্তে এইটো স্পষ্ট হৈ পৰে যে উদ্ভৱ থাকৰে নেতৃত্বাধীন চৰকাৰে প্ৰমাণ নষ্ট কৰাৰ দুঃসাহস কৰিছিল।
উল্লেখ্য যে, শেহতীয়াকৈ চিবিআইয়ে এই গোচৰত চূড়ান্ত প্ৰতিবেদন দাখিল কৰিছিল। কোৱা হৈছিল যে অভিনেতাজনৰ মৃত্যুৰ কাৰণ আত্মহত্যা আৰু এই কাম কৰিবলৈ তেওঁক কোনেও উচটনি দিয়া নাছিল।
চিবিআইৰ কথা প্ৰসংগ উল্লেখ কৰিয়েই সুশান্ত সিং ৰাজপুতৰ পৰিয়ালে ন্যায় নাপালে বুলি দাবী কৰে বিজেপি বিধায়কগৰাকীয়ে। যদি চিবিআইয়ে ন্যায়পালিকাৰ সন্মুখত চূড়ান্ত প্ৰতিবেদন দাখিল কৰিছে তেন্তে ইয়াৰ অৰ্থ অতি স্পষ্ট। অৰ্থাৎ আৰুশীৰ গোচৰত যিদৰে চূড়ান্ত প্ৰতিবেদন দাখিল কৰিছিল, তেতিয়া সেই প্ৰতিবেদন ন্যায়পালিকাই মানি লোৱা নাছিল। একেদৰে ইয়াৰো (সুশান্ত সিং ৰাজপুত) পুনৰ তদন্ত কৰা উচিত।
উল্লেখ্য যে, ২০২০ চনৰ ১৪ জুনত অভিনেতা সুশান্ত সিং ৰাজপুতক নিজৰ ঘৰৰ কোঠাত মৃত অৱস্থাত উদ্ধাৰ হৈছিল।
