অৰুণাচল প্ৰদেশক লৈ বিভিন্ন সময়ত বিভিন্ন অদ্ভুট আৰু অযুক্তিকৰ মন্তব্য আগবঢ়াই অহা চুবুৰীয়া ৰাষ্ট্ৰ চীনক এইবাৰ উভতি ধৰিছে অৰুণাচলৰ মুখ্যমন্ত্ৰী পেমা খাণ্ডুৱে। মুখ্যমন্ত্ৰী খাণ্ডুৱে কয় যে অৰুণাচল প্ৰদেশে চীনৰ সৈতে নহয় তিব্বতৰ সৈতেহে সীমা ভাগ বতৰা কৰে।
বেইজিঙে বিভিন্ন সময়ত অৰুণাচল প্ৰদেশক নিজৰ বুলি কৰি অহা দাবীক ভুল আখ্যা দি খাণ্ডুৱে কয় যে যদি ঐতিহাসিক মেপ চোৱা যায় তেন্তে ভাৰতৰ কোনো এখন ৰাজ্যই পোনপটীয়াকৈ চীনৰ সৈতে সীমান্ত ভাগ বতৰা নকৰে।
মুখ্যমন্ত্ৰী পেমা খাণ্ডুৱে লগতে কয় যে বৰ্তমান তিব্বত চীনৰ দখলত যদিও ঐতিহাসিকভাৱে আমি তিব্বতৰ সৈতেহে সীমান্ত ভাগ বতৰা কৰো। অৰুণাচলে তিনিখন দেশৰ সৈতে সীমা ভাগ বতৰা কৰে, য’ত ভূটানৰ সৈতে ১৫০ কিলোমিটাৰ, তীব্বত আৰু ম্যানমাৰৰ সৈতে প্ৰায় ৫৫০ কিলোমিটাৰ।
উল্লেখ্য যে, ধৰমশালাত অনুষ্ঠিত হোৱা দালাই লামাৰ ৯০ সংখ্যাক জন্মদিন সমাৰোহত অংশ লৈ গৃহ ৰাজ্যলৈ উভতি অহাৰ পিছতেই এই গুৰুত্বপূৰ্ণ মন্তব্য কৰিছে মুখ্যমন্ত্ৰী পেমা খাণ্ডুৱে।
