বিশ্ব টেষ্ট চেম্পিয়নশ্বিপ ২০২৩-২৫ বৰ্তমান শেষ পৰ্যায়ত। বৰ্তমানৰ পৰ্যায়টো সম্পূৰ্ণ ৰোমাঞ্চৰে ভৰি আছে। প্ৰতিখন মেচৰ পিছতেই পইণ্ট টেবুলত পৰিৱৰ্তন দেখা গৈছে।
এতিয়া মাত্ৰ ৮ খন মেচ বাকী আছে, তাৰ পিছত ফাইনেল মেচত কোন দুটা দলৰ মুখামুখি হ’ব সেইটো নিৰ্ণয় কৰা হ’ব। ১১ৰ পৰা ১৫ জুনলৈ লৰ্ডছত অনুষ্ঠিত হ’বলগীয়া WTC ৰ ফাইনেলৰ পিছত চেম্পিয়ন দলটো বিচাৰি পোৱা যাব।
ইয়াৰ পিছত WTC ২০২৫-২৭ ৰ মেচ আৰম্ভ হ’ব। ইয়াৰ মেচসমূহৰ সম্পূৰ্ণ তালিকাও প্ৰকাশ পাইছে। এই সময়ছোৱাত টীম ইণ্ডিয়াৰ কোন কোন দলৰ মুখামুখি হ’ব জানো আহক-
বিশ্ব টেষ্ট চেম্পিয়নশ্বিপ ২০২৫-২৭ ত ৬ টা দলৰ বিৰুদ্ধে মুখামুখি হ’ব টীম ইণ্ডিয়া। ইয়াৰে ৩খন শৃংখলা ঘৰুৱা আৰু ৩খন বিদেশৰ মাটিত খেলিব। ২০২৫ চনৰ জুন মাহৰ পৰা আৰম্ভ হোৱা এই চক্ৰত ভাৰতীয় দলৰ প্ৰথম মুখামুখি হ’ব ইংলেণ্ড দলৰ সৈতে।
৫খন মেচৰ এই টেষ্ট ছিৰিজ ২০ জুন ২০২৫ৰ পৰা আৰম্ভ হ’ব। ইয়াৰ অন্তিমখন খেল ৩১ জুলাইৰ পৰা ৪ আগষ্টলৈ অনুষ্ঠিত হ’ব। এই সকলোবোৰ মেচ কেৱল ইংলেণ্ডৰ মাটিতহে অনুষ্ঠিত হ’ব। ইয়াৰ বাহিৰেও ভাৰতে বিদেশৰ মাটিত নিউজিলেণ্ড আৰু শ্ৰীলংকাৰ মুখামুখি হ’ব লগা হৈছে।
ঘৰুৱা ক্ষেত্ৰত অষ্ট্ৰেলিয়া, ৱেষ্ট ইণ্ডিজ আৰু দক্ষিণ আফ্ৰিকাৰ বিৰুদ্ধে খেল অনুষ্ঠিত হ’ব। অৱশ্যে এই মেচসমূহৰ তাৰিখ বৰ্তমানেও প্ৰকাশ কৰা হোৱা নাই।
