হৰম’ন হৈছে আমাৰ শৰীৰৰ ভিতৰত উৎপন্ন হোৱা ৰাসায়নিক বাৰ্তাবাহক যিয়ে তেজৰ মাধ্যমেৰে বিভিন্ন অংগলৈ বাৰ্তা প্ৰেৰণ কৰি বহু প্ৰক্ৰিয়া নিয়ন্ত্ৰণ কৰে। এই হৰম’নবোৰে টোপনি, ভোক, হজম, মানসিক চাপ, শক্তি, আৰু আৱেগিক স্বাস্থ্যৰ ওপৰত প্ৰভাৱ পেলায়।
কিছুমান নিৰ্দিষ্ট হৰম’ন আছে যাক সুখী হৰম’ন বুলি কোৱা হয়, যিয়ে মগজুত ইতিবাচক অনুভৱ বৃদ্ধি কৰে আৰু মানসিক চাপ কমোৱাত সহায় কৰে। এই হৰম’নে শৰীৰক শিথিল কৰে, মানসিক ভাগৰ কমায়, আৱেগিক ভাৰসাম্য ৰক্ষা কৰে। অনুকূল স্তৰত আমি অধিক সুখী, শান্ত আৰু অধিক শক্তিশালী অনুভৱ কৰো। গতিকে তেওঁলোকৰ ভাৰসাম্যতা মানসিক স্বাস্থ্য আৰু জীৱনৰ উন্নত মানদণ্ডৰ বাবে অতি গুৰুত্বপূৰ্ণ।
মূল চাৰিটা সুখী হৰম’ন আছে : ড’পামিন, চেৰ’টনিন, এণ্ড’ৰ্ফিন, আৰু অক্সিট’চিন। ড’পামিনৰ সৈতে প্ৰেৰণা, আত্মসন্তুষ্টি, আৰু উৎপাদনশীলতা জড়িত হৈ থাকে। চেৰ’টনিনে মেজাজ, টোপনি আৰু ভোক নিয়ন্ত্ৰণ কৰে আৰু শৰীৰত শান্তিৰ অনুভূতি আনে। এণ্ড’ৰ্ফিনক প্ৰাকৃতিক বিষনাশক হিচাপে গণ্য কৰা হয় কাৰণ ই বিষ কমায় আৰু তৎক্ষণাত আনন্দ দিয়ে। ইফালে অক্সিট’চিনক প্ৰেম হৰম’ন বুলি জনা যায়, যিয়ে বিশ্বাস, সংযোগ আৰু আৱেগিক বন্ধনক বৃদ্ধি কৰে। এই সকলোবোৰ হৰম’নে মানসিক ভাৰসাম্য ৰক্ষা কৰে, মানসিক চাপ কমায়, হতাশাৰ সম্ভাৱনা কমায়, দৈনন্দিন কামৰ বাবে শক্তি বজাই ৰাখে। তেওঁলোকৰ অভাৱৰ ফলত খিংখিঙীয়া, দুখ, ক্লান্তি আৰু প্ৰেৰণাহীনতা হ’ব পাৰে, গতিকে তেওঁলোকৰ ভাৰসাম্য বজাই ৰখাটো অতি গুৰুত্বপূৰ্ণ।
শৰীৰত সুখী হৰম’ন বৃদ্ধিৰ আটাইতকৈ সহজ উপায় হ’ল জীৱনশৈলীৰ সৰু সৰু পৰিৱৰ্তন কৰা। প্ৰথমে নিয়মিতভাৱে ব্যায়াম কাঢ়িব লাগে। যোগাসন, খোজ কঢ়া, নৃত্য বা যিকোনো লঘু শাৰীৰিক কাৰ্য্যকলাপে এণ্ড’ৰ্ফিন বৃদ্ধি কৰে। ১৫ৰ পৰা ২০ মিনিট ৰ’দত বহি থাকিলে স্বাভাৱিকতে চেৰ’টনিন বৃদ্ধি পায় আৰু নিমিষতে মেজাজ উন্নত হয়। ভাল টোপনি অতি প্ৰয়োজনীয়, কিয়নো বেয়া টোপনিয়ে ড’পামিন আৰু চেৰ’টনিন দুয়োটাকে হ্ৰাস কৰে। ডাৰ্ক চকলেট, কল, শুকান ফল, দৈ, কণী, অটছ, আৰু ভিটামিন ডি সমৃদ্ধ খাদ্য খাদ্যত অন্তৰ্ভুক্ত কৰক। এইবোৰে সুখী হৰম’ন বৃদ্ধি কৰে।
ইয়াৰ উপৰিও আপোনজনৰ লগত কথা পতা, পোহনীয়া জন্তুৰ সৈতে সময় কটোৱা, ধ্যান কৰা, প্ৰিয় সংগীত শুনা, নতুন নতুন কথা শিকিব পৰা আদি সকলোবোৰেই ড’পামিন আৰু অক্সিট’চিন দুয়োটাকে বৃদ্ধি কৰে। দিনটোত নিজৰ বাবে সৰু সৰু আনন্দৰ মুহূৰ্ত সৃষ্টি কৰা, মানসিক চাপ কমোৱা, ইতিবাচক মানসিকতা বজাই ৰখা আদিয়েও আৱেগিক ভাৰসাম্য ৰক্ষা কৰাত অৰিহণা যোগায়।
