শুকুৰবাৰে ইউক্ৰেইনৰ ৰাষ্ট্ৰপতি ভ’ল’ডিমাইৰ জেলেনস্কি, আমেৰিকাৰ ৰাষ্ট্ৰপতি ড’নাল্ড ট্ৰাম্প আৰু উপ-ৰাষ্ট্ৰপতি জে ডি ভেন্সৰ মাজত অভাল অফিচত এক উত্তেজনাপূৰ্ণ বৈঠক অনুষ্ঠিত হয়। এই বৈঠকৰ সময়ত ইউক্ৰেইনৰ ৰাষ্ট্ৰপতি জেলেনস্কিক তীব্ৰ সমালোচনা কৰি অন কেমেৰা ধমক দিয়ে।
সকলোৰে সন্মুখত জেলেনস্কিক মূৰ্খ আখ্যা দিয়ে ট্ৰাম্পে।৪৫ মিনিটৰ সংবাদমেলত তীব্ৰ কাজিয়াত লিপ্ত হয় দুই দেশৰ ৰাষ্ট্ৰপতি।
পুটিনক ৰোধ কৰিব নোৱাৰাৰ বাবে নিৰাপত্তাৰ দিশটোক লৈ ট্ৰাম্পৰ বিৰুদ্ধে গৰজি উঠে জেলেনস্কি।এনেকৈয়ে দুই দেশৰ ৰাষ্ট্ৰপতিৰ মাজত কাজিয়াৰ সূত্ৰপাত হয়। ইউক্ৰেইনৰ ৰাষ্ট্ৰপতিৰ এই কাৰ্য্যই তৃতীয় বিশ্বযুদ্ধৰ সূচনা কৰিব পাৰে বুলি ট্ৰাম্পে কয়।
এই আলোচনাৰ বিষয় আছিল খনিজ চুক্তি। কিন্তু এই চুক্তি মানি লবলৈ অস্বীকাৰ কৰে জেলেনস্কিয়ে।ইয়াৰ পিছত আমেৰিকাই বাইডেনে প্ৰশাসনে দিয়া আৰ্থিক সাহায্য ওভতাই বিচাৰিছে। ইউক্ৰেইনৰ পৰা ৫০০ আৰৱ ডলাৰ ওভতাই বিচাৰে ড’নাল্ড ট্ৰাম্পে। কিন্তু জেলেনস্কিয়ে দিব বিচাৰিছে ৩৫০ আৰৱ ডলাৰ। ইয়াৰ পিছত আমেৰিকাৰ সৈতে গুৰুত্বপূৰ্ণ খনিজ চুক্তি স্বাক্ষৰ নকৰাকৈয়ে হঠাতে জেলেনস্কিয়ে হোৱাইট হাউচ এৰি যায়।
ট্ৰাম্প, উপ-ৰাষ্ট্ৰপতি জে ডি ভ্যান্স আৰু জেলেনস্কিৰ মাজত প্ৰায় ৪৫ মিনিটৰ কথা-বতৰা হৈছিল, য’ত শেষৰ ১০ মিনিটত তিনিওজনৰ মাজত অতি উত্তপ্ত বিতৰ্ক হৈছিল। জেলেনস্কিয়ে নিজৰ পক্ষ উপস্থাপন কৰি ৰাছিয়াৰ কূটনীতিৰ প্ৰতি থকা দায়বদ্ধতাক লৈ সন্দেহ প্ৰকাশ কৰি মস্কোৱে ভংগ কৰা প্ৰতিশ্ৰুতিৰ উদাহৰণ দিয়ে।
দুই দেশৰ ৰাষ্ট্ৰপতিৰ সমস্যা দেখি আচৰিত হয় সমগ্ৰ বিশ্ব। এই কাজিয়াৰ বাবেই এতিয়া আমেৰিকা-ইউক্ৰেইনৰ সম্পৰ্কৰ ভৱিষ্যতক লৈ উদ্বেগ বৃদ্ধি পাইছে।
