১০ মাৰ্চত অসম বিধানসভাৰ বাজেট অধিৱেশনত বিত্তমন্ত্ৰী অজন্তা নেওগে দাখিল কৰে ২০২৫-২৬ পূৰ্ণাংগ বাজেট। এই বাজেটত বিত্তমন্ত্ৰীয়ে কেইবাটাও ডাঙৰ ঘোষণা কৰে। এই বাজেটত বহু কেইটা সিদ্ধান্ত গ্ৰহণ কৰা হয়।
চৰকাৰে বাজেটত গ্ৰহণ কৰা ১৫ টা ডাঙৰ সিদ্ধান্ত হ’ল-
১. ৬.৮ লাখ চাহ শ্ৰমিকলৈ ৫০০০ টকাকৈ এককালীন বিত্তীয় সাহায্যৰ ঘোষণা।
২. প্ৰধানমন্ত্ৰী সূৰ্য ঘৰ মুফট বিজলি যোজনাৰ অধীনত ৰাজ্য চৰককাৰৰ কৰ্মচাৰীলৈ প্ৰতি কিলোৱাটত ২০০০ টকাকৈ সৰ্বোচ্চ ৩ কিলোৱাটত ৬০০০ টকা ৰাজসাহায্যৰ ঘোষণা।
৩. ২০২৫ৰ এপ্ৰিলৰ পৰা সকলো বিদ্যালয়তে অষ্টম শ্ৰেণীলৈকে অসম ইতিহাস বিষয়টো বাধ্যতামূলক।
৪. প্ৰায় ৫০০ টা কৃষক উৎপাদক সংস্থাক ১০ লাখ টকাকৈ প্ৰদানৰ ঘোষণা।
৫. ডিব্ৰুগড়ক অসমৰ দ্বিতীয়খন ৰাজধানী হিচাপে গঢ়ি তোলাৰ উদ্দেশ্যেৰে ডিব্ৰুগড়ত এটা নতুন বিধানসভা আৰু বিধায়কৰ হোষ্টেল নিৰ্মাণৰ ঘোষণা।
৬. কাৰ্বি আংলঙত এখন কৃষি মহাবিদ্যালয় আৰু এখন পশু চিকিৎসা মহাবিদ্যালয় স্থাপনৰ লগতে শ্ৰীভূমিৰ পাথাৰকান্দিতো নিৰ্মাণ কৰিব কৃষি মহাবিদ্যালয়।
৭. শ্রীমন্ত শংকৰদেৱ কলাক্ষেত্রলৈ দুটা সম পৰিমাণৰ বাৰ্ষিক কিস্তিত ১০০ কোটি টকাৰ এককালীন অনুদানৰ ঘোষণা।
৮. মাজুলী সাংস্কৃতিক বিশ্ববিদ্যালয়ৰ সাংস্কৃতিক, শৈক্ষিক আৰু গৱেষণামূলক কাৰ্যসূচীৰ উন্নীতকৰণৰ বাবে বিশ্ববিদ্যালয়খনলৈ ৫০ কোটি আবণ্টনৰ প্ৰস্তাৱ আগবঢ়াই বিত্তমন্ত্ৰীয়ে।
৯. ভূমি প্ৰশাসন কৰ্মচাৰীৰ ২০০০ টা অতিৰিক্ত পদ সৃষ্টি কৰি ২০২৫ বৰ্ষত ৫০০টা, ২০২৬ বৰ্ষত ১০০০টা আৰু ২০২৭ বৰ্ষত ৫০০টা পদ পূৰণৰ লক্ষ্য।
১০. অবিৰত তথ্যৰ সৰবৰাহ নিশ্চিত কৰাৰ উদ্দেশ্যে অসমৰ নিজা কৃত্ৰিম উপগ্ৰহ ASSAMSAT স্থাপনৰ ঘোষণা।
১১. কৰ্কট ৰোগী, বিশেষকৈ শিশুসকলৰ বাবে অত্যাধুনিক কৰ্কট চিকিৎসাৰ উপলব্ধতা নিশ্চিত কৰাৰ বাবে ৰাজ্যিক কর্কট প্রতিষ্ঠান, গুৱাহাটীত এটা প্ৰ’টন থেৰাপী কেন্দ্ৰ স্থাপনৰ প্ৰস্তাৱ।
১২. মুখ্যমন্ত্ৰীৰ আত্মনিৰ্ভৰ অসম অভিযানৰ বাবে ২০২৫-২৬বিত্তীয় বৰ্ষত ৭৭৩কোটি টকা ধাৰ্য কৰাৰ কথা ঘোষণা।
১৩. মহিলা উদ্যমিতা অভিযানৰ বাবে ৩,০৩৮ কোটি টকা ব্যয়ৰ ঘোষণা।
১৪. কাজিৰঙাৰ পুৰনি জীপ ছাফাৰীৰ সলনি ইলেকট্ৰনিক বাহন অনাৰ সিদ্ধান্ত। ইলেকট্ৰনিক বাহনৰ বাবে ধাৰ্য ২০ কোটি টকা।
১৫. পশুপালন আৰু পশু চিকিৎসা বিভাগৰ বাবে আবণ্টন ৬৩৬ কোটি টকা।
