২০০৫ চনৰ পুনেস্থিত FTII(ভাৰতীয় চলচ্চিত্ৰ আৰু টেলিভিছন ইনষ্টিটিউট)ৰ ৫ নং বেটচটো (Batch)বিশেষ চৰ্চিত হৈ পৰিছে। এই বেটচে বলীউডক সেই ৪ ৰত্ন দিছে, যাৰ কেৱল উপস্থিতিয়ে যিকোনো ছবিৰ গৌৰৱ বৃদ্ধি কৰে।
ছচিয়েল মিডিয়াত ভাইৰেল হৈ পৰিছে ২০০৫ চনৰ বেটচৰ এনে চাৰিগৰাকী ছাত্ৰৰ ফটো। এই ভাইৰেল ছবিখনত দেখা ৪গৰাকী শিল্পী হল-
- ফটোখনত বাওঁফালে থিয় হৈ থকা ব্যক্তিজন হৈছে জয়দীপ আহলাৱত। বলীউডৰ বহু ডাঙৰ ছবিত ভাল চৰিত্ৰত অভিনয় কৰিছে জয়দীপে। অ’টিটিয়েই তেওঁক নিজৰ প্ৰকৃত পৰিচয় দিয়ে। ৱেব ছিৰিজ ‘পাতল-লোক’ৰ বাবেও জয়দীপে যথেষ্ট প্ৰশংসা লাভ কৰে।
- এই ভাইৰেল ফটোখনত জয়দীপৰ কাষত থিয় হৈ আছে বলীউডৰ তাৰকা ৰাজকুমাৰ ৰাও। ৰাজকুমাৰ ৰাওৰ অভিনয়ৰ বাবে কোনো পৰিমাণৰ প্ৰশংসাই যথেষ্ট নহ’ব। ‘লাভ চেক্স ঔৰ ধোখা’ৰ জৰিয়তে ছবি জগতত প্ৰৱেশ কৰিছিল অভিনেতাগৰাকীয়ে। ৰাজকুমাৰে এই পৰ্যন্ত বলীউডক বহু আচৰিত ছবি দিছে। ইয়াৰ লগে লগে তেওঁৰ ছবি Stree 2 য়েও বলীউডৰ সৰ্বাধিক উপাৰ্জনকাৰী ছবিৰ তালিকাত স্থান দখল কৰিছে।
- FTIIৰ ২০০৫ চনৰ বেটচৰ এই ভাইৰেল ফটোখনত সোঁফালে থিয় হৈ থকা ব্যক্তিজন আন কোনো নহয়, ছানি হিন্দুজা। বহুতো অ’টিটি ৱেব ছিৰিজত ছানীয়ে গুৰুত্বপূৰ্ণ ভূমিকা পালন কৰে। কৰ্মজীৱনৰ প্ৰথম অৱস্থাত ছানীয়ে সংগ্ৰামৰ সন্মুখীন হৈছিল যদিও এতিয়া তেওঁক অ’টিটি জগতৰ ডাঙৰ তাৰকাৰ ভিতৰত গণ্য কৰা হৈছে।
- ফটোখনত ছানীৰ কাষত থিয় হৈ থকা বিজয় ভাৰ্মাই বৰ্তমান বাতৰিৰ শিৰোনাম দখল কৰিছে তমন্না ভাটিয়াৰ সৈতে ব্ৰেকআপৰ খবৰৰ বাবে। এফালে ব্যক্তিগত জীৱনৰ বাবে বিজয় বাতৰিৰ শিৰোনামত থকাৰ বিপৰীতে আনফালে তেওঁ নিজৰ কামৰ জৰিয়তে ভাল অনুৰাগীৰ ফ’ল’ৱাৰ সৃষ্টি কৰিছে। ডাৰ্লিং, মিৰ্জাপুৰ, মাৰ্ডাৰ মুবাৰক, গালি বয় আৰু লাষ্ট ষ্ট’ৰীছত বিজয়ে গুৰুত্বপূৰ্ণ ভূমিকা পালন কৰিছে।
আমোদজনক কথাটো হ’ল চট্টগং নামৰ ছবিখনত জয়দীপ আহলাৱত, বিজয় ভাৰ্মা আৰু ৰাজকুমাৰ ৰাওৱে একেলগে কাম কৰিছে। এই ছবিখন ২০১২ চনত মুক্তি লাভ কৰিছিল। এই ছবিখনত নৱাজুদ্দিন ছিদ্দিকী আৰু মনোজ বাজপেয়ীয়েও গুৰুত্বপূৰ্ণ চৰিত্ৰত অভিনয় কৰিছিল।
