বুধবাৰে অনুষ্ঠিত হোৱা আই পি এলৰ এখন মেচত ৰাজস্থান ৰয়েলছৰ বিৰুদ্ধে ছুপাৰ অভাৰত ৰোমাঞ্চকৰ বিজয় সাব্যস্ত কৰে দিল্লী কেপিটেলছে। অৰুণ জেটলী ষ্টেডিয়ামত অনুষ্ঠিত আই পি এলৰ ৩২ সংখ্যক মেচখনত এক লজ্জাজনক অভিলেখৰ গৰাকী হয় ৰাজস্থান ৰয়েলছৰ বলাৰ সন্দীপ শৰ্মা।
দিল্লী কেপিটেলছৰ ইনিংছৰ সময়ত বলিং কৰিবলৈ অহা সন্দীপ শৰ্মাৰ নামত যি অভিলেখ সংযোজন হ’ল সেয়া কোনো বলাৰে সপোনতো হয়টো নাভাবে।
সন্দীপ শৰ্মাই দিল্লী কেপিটেলছৰ ইনিংছৰ শেষৰটো অভাৰত ৬টা বলৰ ঠাইত দিয়ে ১১টা বল। তেওঁৰ অভাৰটোত আছিল চাৰিটা ৱাইড আৰু এটা ন’ বল। সেইটো অভাৰত দিয়ে ১৯ ৰান। মেচখনত সন্দীপ শৰ্মাই কোনো উইকেট লাভ নকৰাকৈয়ে চাৰি অভাৰত ৩৩ ৰান প্ৰদান কৰে।
সন্দীপ শৰ্মাৰ এই অভাৰটো হৈছে আই পি এলৰ ইতিহাসত এটা অভাৰত সৰ্বাধিক বল কৰাৰ অভিলেখ। আই পি এলত এটা অভাৰত সৰ্বাধিক বল দিয়াৰ অভিলেখ আছে শাৰ্দুল ঠাকুৰ, মহম্মদ ছিৰাজ আৰু তুষাৰ দেশপাণ্ডে আৰু সন্দীপ শৰ্মাৰ নামত।
এটা অভাৰত সৰ্বাধিক বল কৰা বলাৰ
১১টা বল- মহম্মদ ছিৰাজ
১১টা বল- তুষাৰ দেশপাণ্ডে
১১টা বল- শাৰ্দুল ঠাকুৰ
১১টা বল- সন্দীপ শৰ্মা
