আজি পঞ্চায়ত নিৰ্বাচন ২০২৫ৰ ভোটগণনা। পুৱা ৮ বজাৰ পৰা আৰম্ভ হৈছে এই ভোটগণনা। কটকটীয়া নিৰাপত্তাৰ মাজেৰে ৰাজ্যৰ ৩৯ টা ভোটকেন্দ্ৰত গণনা আৰম্ভ হৈছে।
কিন্তু ইয়াৰ মাজতেই নগাঁৱৰ ভোটগণনা কেন্দ্ৰত সৃষ্টি হৈছে উত্তপ্ত পৰিস্থিতিৰ। ভোটগণনা কেন্দ্ৰত হৈছে মাৰপিটৰ ঘটনা।কংগ্ৰেছ আৰু বিজেপিৰ সমৰ্থকৰ মাজত হৈছে হতাহতি।
নগাঁও চৰকাৰী উচ্চতৰ মাধ্যমিক বালিকা বিদ্যালয়ৰ ভোটকেন্দ্ৰত হৈছে এই অপ্ৰীতিকৰ ঘটনা। চামগুৰি সমষ্টিৰ 24 নং বাজীয়াগাওঁ জিলা পৰিষদৰ বাজীয়াগাঁও জিলা পৰিষদৰ ভোটগণনা চলি থকাৰ সময়তেই হৈছে এই সংঘাত।
ইয়াৰোপৰি আন এক ভোটকেন্দ্ৰত হয় অপ্ৰীতিকৰ পৰিস্থিতি। লখিমপুৰৰ ভোটগণনা কেন্দ্ৰত উত্তপ্ত পৰিস্থিতিৰ সৃষ্টি কৰে একাংশই। ইয়াৰ পিছতে আৰক্ষীয়ে উপায়ন্তৰ হৈ লাঠীচালনা কৰে।
