ইংলেণ্ড ভ্ৰমণৰ বাবে বিচিচিআইয়ে ঘোষণা কৰিলে ভাৰতীয় দল। ৫খন টি-২০ আৰু ৩খন এদিনীয়া মেচৰ শৃংখলাৰ বাবে অহা জুন-জুলাই মাহত ইংলেণ্ড ভ্ৰমণ কৰিব ভাৰতীয় মহিলা ক্ৰিকেট দলে।
দুয়োটা শৃংখলাতে ভাৰতীয় দলক নেতৃত্ব দিব হৰমনপ্ৰীত কৌৰে, আনহাতে উপ-অধিনায়কৰ দায়িত্ব দিয়া হৈছে স্মৃতি মান্ধনাক।
বিস্ফোৰক অ’পেনাৰ শ্বেফালী বাৰ্মাক কেৱল টি-২০ শৃংখলাৰ বাবেহে দলত স্থান দিছে। উল্লেখ্য যে ২০২৪ চনৰ অক্টোবৰৰ পিছত বাৰ্মাই কোনো এদিনীয়া মেচ খেলা নাই।
দুয়োটা শৃংখলাৰ বাবেই ৰিচা ঘোষ, য়াস্তিকা ভাটিয়া আৰু হৰলিন দেউলক স্থান দিয়া হৈছে।
মহিলা প্ৰিমিয়াৰ লীগত গুজৰাট জায়েন্টছৰ হৈ খেলা ২২ বছৰীয়া কাশৱী গৌতমক দলৰ পৰা বাদ দিয়া হৈছে। তেওঁৰ ঠাইত বেগী বলাৰ সয়ালি সতঘৰেক এদিনীয়া দলত স্থান প্ৰদান কৰা হৈছে।
ইংলেণ্ড ভ্ৰমণৰ বাবে ভাৰতৰ এদিনীয়া দল :
হৰমনপ্ৰীত কৌৰ (অধিনায়ক), স্মৃতি মান্ধনা (উপ-অধিনায়ক), প্ৰতিকা ৰাৱাল, হৰলিন দেউল, জেমিমা ৰড্ৰিগেজ, ৰিচা ঘোষ, য়াস্তিকা ভাটিয়া, তেজল হাছাবনিছ, দীপ্তি শৰ্মা, স্নেহ ৰানা, শ্ৰী চৰাণী, শুচি উপাধ্যায়, অমনজোত কৌৰ, অৰুন্ধতী ৰেড্ডী, ক্ৰান্তি গৌড়, সয়ালি সতঘৰে।
ইংলেণ্ড ভ্ৰমণৰ বাবে ভাৰত টি-২০ দল :
হৰমনপ্ৰীত কৌৰ (অধিনায়ক), স্মৃতি মান্ধনা (উপ অধিনায়ক), শ্বেফালী বাৰ্মা, জেমিমা ৰড্ৰিগেজ, ৰিচা ঘোষ, য়াস্তিকা ভাটিয়া, হৰলিন দেউল, দীপ্তি শৰ্মা, স্নেহ ৰানা, শ্ৰী চৰাণী, শুচি উপাধ্যায়, অমনজোত কৌৰ, অৰুন্ধতী ৰেড্ডী, ক্ৰান্তি গৌড়, সয়ালি সতঘৰে।
