নগাঁৱৰ ৩৬ নং ৰাষ্ট্ৰীয় ঘাইপথত শনিবাৰে নিশা সংঘটিত দুটা পৃথক পথ দুৰ্ঘটনাত তিনিজন লোক নিহত হয়। প্ৰথমটো ভয়ংকৰ দুৰ্ঘটনা সংঘটিত হয় কঠিয়াতলী ৰেংবেঙত। ৩৬ নং ৰাষ্ট্ৰীয় ঘাইপথৰ কাষত ৰৈ থকা এখন ট্ৰাকত তীব্ৰবেগী পালচাৰ বাইকে খুন্দিওৱাৰ ফলত থিতাতে নিহত হয় দুজন বাইক আৰোহী।
নিহত বাইক আৰোহী দুজনক ডবকা চাংমাজিৰ উৎপল তকবি আৰু হেমৰিন টেৰণ বুলি চিনাক্ত কৰা হৈছে।
ইফালে দ্বিতীয়টো দুৰ্ঘটনা সংঘটিত হয় ৰাংলুত। জানিব পৰা মতে, এজন লোকে ৩৬ নং ৰাষ্ট্ৰীয় ঘাইপথৰ সমীপত গাড়ী ৰখাই ৰাস্তা পাৰ হৈ বজাৰ কৰিব য়োৱাৰ সময়তে এখন তীব্ৰবেগী বাহনে মহতিয়াই নিয়ে লোকজনক।
এই দুৰ্ঘটানাটোত লোকজনৰ থিতাতে মৃত্যু হয়। কৰুণ মৃত্যুক সাৱটি লোৱা লোকজনৰ পৰিচয় এই পৰ্যন্ত জানিব পৰা হোৱা নাই।
