অসমৰ মুখ্যমন্ত্ৰী হিমন্ত বিশ্ব শৰ্মাই ২৫ মে’ৰ দিনটোত কয় যে “চিকেন নেক কৰিডৰ”ক লৈ ভাৰতক ত ভাবুকি দিয়াসকলে নিজৰ অৱস্থাটো প্ৰথমতে চাই লোৱা উচিত। কিয়নো তেওঁ কয় যে, বাংলাদেশত এনে দুটা সংকীৰ্ণ ভূমি আছে, যি “বহুত বেছি দুৰ্বল”।
উল্লেখ্য যে, চিকেন নেক অৱ ইণ্ডিয়া, চিলিগুৰি কৰিডৰ নামেৰে জনাজাত। ই প্ৰায় ২২–৩৫ কিলোমিটাৰ বহল, উত্তৰ-পূব অঞ্চলক ভাৰতৰ বাকী অংশৰ সৈতে সংযোগ কৰা এক সৰু ভূমি।
ছ’চিয়েল মিডিয়াৰ এটা পোষ্টত ড০ শৰ্মাই কয় যে, যিসকলে ‘চিকেন নেক কৰিডৰ’কলৈ ভাৰতক ভাবুকি দি আছে, তেওঁলোকেও এই কথা মনত ৰখা উচিত যে বাংলাদেশতো দুটা ‘চিকেন নেক’ আছে। এই দুয়োখনেই অতি নিৰাপত্তাহীন।
প্ৰথমটো হ’ল ৮০ কিলোমিটাৰ দৈৰ্ঘ্যৰ উত্তৰ বাংলাদেশ কৰিড’ৰ – ডাখিন দিনাজপুৰৰ পৰা দক্ষিণ-পশ্চিম গাৰো পাহাৰলৈকে। ইয়াত যিকোনো বিঘিনি হ’লে সমগ্ৰ ৰংপুৰ সংমণ্ডল বাংলাদেশৰ বাকী অংশৰ পৰা সম্পূৰ্ণৰূপে বিচ্ছিন্ন হ’ব পাৰে।
দ্বিতীয়তে আছে দক্ষিণ ত্ৰিপুৰাৰ পৰা বংগোপসাগৰলৈকে ২৮ কিলোমিটাৰ দৈৰ্ঘ্যৰ চট্টগং কৰিডৰ।
অসমৰ মুখ্যমন্ত্ৰীয়ে কয় যে ভাৰতৰ চিকেন নেকতকৈও সৰু এই চট্টগং কৰিড’ৰটোৱেই হৈছে বাংলাদেশৰ অৰ্থনৈতিক ৰাজধানী আৰু ৰাজনৈতিক ৰাজধানীৰ মাজত একমাত্ৰ সংযোগী পথ।
মুখ্যমন্ত্ৰীয়ে লগতে কয় যে, তেওঁ কেৱল ভৌগোলিক তথ্যহে দিছে, যিটো হয়তো একাংশই পাহৰি গৈছে।
