দেশত ভয়াৱহ হাৰত বৃদ্ধি পাবলৈ ধৰিছে কৰ’ণা ভাইৰাছৰ সংক্ৰমণ। কেন্দ্ৰীয় স্বাস্থ্য মন্ত্ৰালয়ৰ তথ্য অনুসৰি দেশত এতিয়া ১০১০ গৰাকী ক’ভিডৰ সক্ৰিয় ৰোগী আছে। আনহাতে এই ভাইৰাছবিধৰ ফলত এতিয়ালৈকে ৬ গৰাকী লোকৰ মৃত্যু হৈছে।
মৃত্যু হোৱাসকলৰ ভিতৰত মহাৰাষ্ট্ৰত ৩জন, কেৰালাত ২জন আৰু কৰ্ণাটকত এজন। দেশৰ ভিতৰত কেৰালাত সৰ্বাধিক সংখ্যক সক্ৰিয় ক’ভিড ৰোগী আছে। ইয়াৰ পিছত আছে মহাৰাষ্ট্ৰ আৰু দিল্লী।
কেন্দ্ৰীয় স্বাস্থ্য মন্ত্ৰালয়ৰ তথ্য অনুসৰি, কেৰালাত সক্ৰিয় ক’ভিড আক্ৰান্তৰ সংখ্যা হৈছে ৪৩০, মহাৰাষ্ট্ৰত ২৭৮ আৰু দিল্লীত ১০৪। ১৯ মে’লৈকে ৰাষ্ট্ৰীয় ৰাজধানী দিল্লীত ক’ভিড আক্ৰান্তৰ সক্ৰিয় সংখ্যা আছিল ২৪। কিন্তু এসপ্তাহৰ ভিতৰতে ৯৯লৈ বৃদ্ধি পায় এই সংখ্যা।
কেন্দ্ৰীয় স্বাস্থ্য মন্ত্ৰালয়ৰ ৱেবছাইটত উপলব্ধ তথ্য অনুসৰি বহু ৰাজ্যত সক্ৰিয় ৰোগীৰ সংখ্যা বৃদ্ধি পাইছে, ইয়াৰ উপৰি কিছু ঠাইত মৃত্যুৰ সংখ্যাও বৃদ্ধি পাইছে।
