বুধবাৰে লোকসেৱা ভৱনত মুখ্যমন্ত্ৰী ড০ হিমন্ত বিশ্ব শৰ্মাৰ অধ্যক্ষতাত অনুষ্ঠিত হয় ৰাজ্যিক কেবিনেটৰ গুৰুত্বপূৰ্ণ বৈঠক। এই বৈঠকত কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হয়।
বৈঠকৰ অন্তত ৰাজ্যিক কেবিনেটে গ্ৰহণ কৰা সিদ্ধান্তসমূহ সংবাদমেলৰ জৰিয়তে সদৰী কৰে মুখ্যমন্ত্ৰী ড০ হিমন্ত বিশ্ব শৰ্মাই।
গুৰুত্বপূৰ্ণ সিদ্ধান্তসমূহ তলত উল্লেখ কৰা হ’ল-
মুখ্যমন্ত্ৰীৰ জীৱন অনুপ্ৰেৰণা আঁচনি
এই আঁচনিৰ জৰিয়তে চৰকাৰী বিশ্ববিদ্যালয়ত গৱেষণা কৰা গৱেষক সকলে লাভ কৰিব ২৫ হাজাৰ টকাৰ এককালীন সাহায্য। ইয়াৰ উপৰি এই আঁচনিৰ জৰিয়তে দিব্যাংগ গৱেষকসকলে লাভ কৰিব ৪০ হাজাৰ টকাকৈ সাহায্য।
আনহাতে এতিয়াৰ পৰা সম জিলাৰ আৰক্ষী অধীক্ষক সকলক জনা যাব CDSP হিচাপে। আৰক্ষী অধীক্ষকসকলক এতিয়াৰে পৰা জ্যেষ্ঠ আৰক্ষী অধীক্ষক হিছাপে জনা যাব।
ইফালে BTR ৰ বাবে ৮৪৩ কোটি টকা পুঁজিৰ অনুমোদন।
ইয়াৰ উপৰি শ্বহীদ কনকলতা বৰুৱা বিশ্ববিদ্যালয়ৰ বাবে বিশেষ পদক্ষেপ গ্ৰহণ কৰিছে ৰাজ্য চৰকাৰে। বিশ্ববিদ্যালয়খনত প্রযুক্তিগত ধাৰণাক গুৰুত্ব দিয়াৰ সিদ্ধান্ত লয় আজিৰ কেবিনেটে।
একেদৰে ডিমা হাচাও জিলাৰ ৫টা পথ নিৰ্মাণৰ কাৰণে পুঁজিৰ অনুমোদন জনায়। ইয়াৰ উপৰি ডিমা হাচাওৰ ৫টা পথ ৰাষ্ট্রীয় ঘাইপথলৈ উন্নীত কৰাৰ সিদ্ধান্ত গ্ৰহণ কৰে।
আন এক সিদ্ধান্ত অনুসৰি, সমষ্টি ভেদে ৯ জুনত প্ৰকাশ পাব লাখপতি বাইদেউৰ তালিকা। এই তালিকাৰ পৰা জানিব পাৰিব কোন সমষ্টিয়ে কেতিয়া লাভ কৰিব এই অনুদান। প্ৰতিমাহে ৩০টা সমষ্টিত বিতৰণ কৰা হ’ব লাখপতি বাইদেউৰ আঁচনি।
