যকৃত আমাৰ শৰীৰৰ এক অতি গুৰুত্বপূৰ্ণ অংশ, যিয়ে তেজ পৰিষ্কাৰ কৰা, পাচনত সহায় কৰা, পুষ্টিকৰ পদাৰ্থ জমা কৰা আৰু শৰীৰৰ পৰা বিষাক্ত পদাৰ্থ আঁতৰোৱাৰ কাম কৰে, কিন্তু যেতিয়া যকৃতত সংক্ৰমণ হয় তেতিয়া ইয়াৰ কাৰ্য্যক্ষমতা প্ৰত্যক্ষভাৱে প্ৰভাৱিত হয় আৰু শৰীৰ বহু গুৰুতৰ ৰোগৰ বলি হ’ব পাৰে।
দিল্লীৰ সফদাৰজং হাস্পতালৰ কমিউনিটি মেডিচিন বিভাগৰ HoD অধ্যাপক ডাঃ যুগল কিশোৰে বুজাইছে যে, লিভাৰৰ সংক্ৰমণক চিকিৎসা বিজ্ঞানত হেপাটাইটিছ বুলি কোৱা হয়। এই অৱস্থাত যকৃত ফুলি উঠে। ভাইৰাছ, বেক্টেৰিয়া, ভেঁকুৰ বা পৰজীৱী কাৰণত এই সংক্ৰমণ হ’ব পাৰে। যকৃতত সংক্ৰমণ হ’লে যকৃতে নিজৰ কাম সঠিকভাৱে কৰিব নোৱাৰে আৰু সময়মতে চিকিৎসা নকৰিলে ভয়াৱহ পৰিস্থিতিৰ সৃষ্টি হ’ব পাৰে।
যকৃতৰ সংক্ৰমণৰ বহু কাৰণ থাকিব পাৰে, যদিহে আৰম্ভণিতে যত্ন লোৱা নহয়, তেন্তে ৰোগীৰ সমস্যা বাঢ়িব পাৰে। কেতিয়াবা ই মাৰাত্মকও হৈ উঠিব পাৰে। স্বাস্থ্য বিশেষজ্ঞ ডাঃ যুগল কিশোৰে বুজাইছে যে ইয়াৰ বহু কাৰণ আছে বুলি কৈছে।সেইসমূহ হ’ল-
- ভাইৰাছৰ সংক্ৰমণ
যকৃতৰ সংক্ৰমণৰ আটাইতকৈ ডাঙৰ কাৰণ হৈছে ভাইৰেল হেপাটাইটিছ। ইয়াৰ প্ৰধান প্ৰকাৰ হ’ল – হেপাটাইটিছ এ, বি, চি, ডি আৰু ই।এই ভাইৰাছবোৰ দূষিত খাদ্য, সংক্ৰমিত তেজ, যৌন সংস্পৰ্শ বা সংক্ৰমিত বেজীৰ জৰিয়তে বিয়পিব পাৰে।
- দূষিত খাদ্য আৰু পানী
লেতেৰা পানী, কমকৈ সিজোৱা খাদ্য বা বাহিৰৰ পৰা অহা অসুৰক্ষিত খাদ্যও যকৃতৰ সংক্ৰমণৰ এটা প্ৰধান কাৰণ হ’ব পাৰে। ইয়াৰ ফলত হেপাটাইটিছ এ আৰু ইৰ সংক্ৰমণ বিয়পি পৰে।
- মদ্য আৰু ধূম্ৰপান
মদ্যপান আৰু অধিক পৰিমাণে ধূম্ৰপান কৰিলে যকৃতৰ কোষৰ ক্ষতি হয়, যাৰ ফলত যকৃত দুৰ্বল হৈ পৰে আৰু সংক্ৰমণৰ সম্ভাৱনা বৃদ্ধি পায়।
- ঔষধৰ পাৰ্শ্বক্ৰিয়া
চিকিৎসকৰ পৰামৰ্শ নোলোৱাকৈ কিছু দৰব দীঘলীয়া সময় সেৱন কৰিলেও যকৃতত প্ৰভাৱ পৰিব পাৰে আৰু যকৃতৰ সংক্ৰমণ হব পাৰে।
- ৰোগ প্ৰতিৰোধ ক্ষমতা দুৰ্বল
ৰোগ প্ৰতিৰোধ ক্ষমতা কম থকা লোকসকলো সোনকালে যকৃতৰ সংক্ৰমণৰ বলি হ’ব পাৰে।
যকৃতৰ সংক্ৰমণৰ লক্ষণ
যকৃতৰ সংক্ৰমণৰ লক্ষণসমূহ প্ৰাৰম্ভিক পৰ্যায়ত মৃদু হ’ব পাৰে, কিন্তু ৰোগ বৃদ্ধিৰ লগে লগে ৰোগীৰ অৱস্থা গুৰুতৰ হ’ব পাৰে। এনে পৰিস্থিতিত যদি প্ৰাৰম্ভিক লক্ষণ আৰু কাৰণ জানিব পৰা যায়, তেন্তে যকৃতৰ সংক্ৰমণৰ সম্ভাৱনা হ্ৰাস পাব পাৰে। যদি এই লক্ষণসমূহ আপোনাৰ শৰীৰত দেখা যায়, তেন্তে ইয়াক আওকাণ কৰা উচিত নহয়।
- ভোক কমি যোৱা
- অহৰহ ভাগৰুৱা অনুভৱ কৰা
- বমি হোৱা
- পেটৰ সোঁফালৰ বিষ বা গধুৰতা
- চকু আৰু ছাল হালধীয়া হোৱা (জণ্ডিচ)
- ডাঠ প্ৰস্ৰাৱ
- জ্বৰ
- গাঁঠিৰ বিষ
- যকৃতৰ সংক্ৰমণ প্ৰতিৰোধৰ ব্যৱস্থা
- পৰিষ্কাৰ-পৰিচ্ছন্নতাৰ যত্ন লোৱা
প্ৰতিৰোধৰ উপায়-
- হাত ধোৱাৰ অভ্যাস গঢ়ি তুলিব লাগে।
- ৰন্ধা-বঢ়া কৰাৰ আগতে আৰু শৌচাগাৰ ব্যৱহাৰ কৰাৰ পিছত হাত ধুব লাগে।
- পৰিষ্কাৰ পানী খাব লাগে।
- সদায় কুহুমীয়া বা ফিল্টাৰ কৰা পানী খাব লাগে।
- বাহিৰত লেতেৰা পানী খোৱাৰ পৰা বিৰত থাকিব লাগে।
- নিৰাপদ যৌন সম্পৰ্ক বজাই ৰখা উচিত।নিৰাপদ যৌন সম্পৰ্ক স্থাপন কৰিলে হেপাটাইটিছ বি আৰু চি সংক্ৰমণৰ পৰা হাত সাৰিব পাৰি।
- টিকাকৰণ কৰিব লাগে।
- মদ আৰু ধঁপাত সেৱনৰ পৰা যিমান পাৰি পৰিহাৰ কৰিব লাগে কাৰণ ই লিভাৰ দুৰ্বল কৰি তোলে।
- দীৰ্ঘদিনলৈ কোনো ঔষধ নিজাববীয়াকৈ গ্ৰহণ নকৰিব। চিকিৎসকৰ পৰামৰ্শ মতেহে ঔষধ খাব লাগে।
