টিভি কুইন নামেৰে পৰিচিত প্ৰযোজক একতা কাপুৰে ২০০০ চনত বহুতো ডাঙৰ ডাঙৰ ধাৰাবাহিক নিৰ্মাণ কৰিছিল। কিন্তু আটাইতকৈ বিখ্যাত আছিল ‘কিউংকি সাছ ভি কভি বহু থি’। ৩ জুলাইত এই শ্ব’টোৱে ২৫টা বছৰ সম্পূৰ্ণ কৰিলে। ইয়াৰ লগতে একতা কাপুৰে এতিয়া এই শ্ব’টোৰ দ্বিতীয় ছিজনটোও মুকলি কৰিছে।
এই ছিজনতো মুখ্য চৰিত্ৰত দেখা যাব স্মৃতি ইৰাণীক। কিন্তু বৃহস্পতিবাৰে একতা কাপুৰে এই শ্ব’ৰ দ্বিতীয় ছিজন আৰম্ভ কৰাৰ আঁৰৰ কাৰণ প্ৰকাশ কৰিছে। ইয়াৰ বাবে একতা কাপুৰে এটা দীঘলীয়া পোষ্ট শ্বেয়াৰ কৰিছে। য’ত তেওঁ কয় যে এইটোৱেই প্ৰথম শ্ব’ যিয়ে মহিলাক কণ্ঠদান কৰিছিল।
একতা কাপুৰে ‘কিউংকি সাছ ভি কভি বহু থি’-২ সম্পৰ্কে এটা দীঘলীয়া পোষ্ট শ্বেয়াৰ কৰিছে। য’ত তেওঁ কয় যে, কিয় তেওঁ ইয়াৰ দ্বিতীয় ছিজনটো নিৰ্মাণ কৰিবলৈ সিদ্ধান্ত লৈছে।
প্ৰযোজক একতা কাপুৰে ইনষ্টাগ্ৰামৰ এটা দীঘলীয়া পোষ্টত বুজাই দিয়ে যে তেওঁ কিয় বহুতৰে প্ৰিয় এই অনুষ্ঠানটি পুনৰ দৰ্শকৰ মাজলৈ ঘূৰাই আনিবলৈ প্ৰয়াস কৰিছে। অৱশ্যে এইবাৰ ধাৰাবাহিকখনৰ সীমিত খণ্ড থাকিব বুলি প্ৰকাশ কৰে। মূল খণ্ডত ২০০০ চনৰ পৰা ২০০৮ চনৰ ভিতৰত ১৮০০ৰো অধিক খণ্ড প্ৰচাৰিত হৈছিল। ‘কিউংকি সাছ ভি কভি বহু থি’ৰ দ্বিতীয় ছিজন ২৯ জুলাইৰ পৰা (সোমবাৰ)নিশা ১০:৩০ বজাত ষ্টাৰ প্লাছত প্ৰচাৰ কৰা হ’ব, ভগ্নী চেনেল জিঅ’হটষ্টাৰতো ইয়াৰ ষ্ট্ৰিম কৰা হ’ব।
