ৰাহুল গান্ধীৰ অসম ভ্ৰমণে ৰাজ্যৰ ৰাজনীতিত কোনোধৰণৰ প্ৰভাৱ নেপেলায় বুলি মন্তব্য কৰিছে মুখ্যমন্ত্ৰী ড০ হিমন্ত বিশ্ব শৰ্মাই। মুখ্যমন্ত্ৰী শৰ্মাই মঙলবাৰে এক সংবাদমেলৰ জৰিয়তে কংগ্ৰেছ নেতা ৰাহুল গান্ধীৰ আগন্তুক অসম ভ্ৰমণৰ তাৎপৰ্যক একপ্ৰকাৰ উলাই কৰা দেখা যায়।
সাংবাদিকৰ সৈতে হোৱা কথা-বতৰাত মুখ্যমন্ত্ৰী শৰ্মাই কয়, ‘তেওঁ নিৰ্বাচনত পৰাস্ত হৈছে, মই কিয় তেওঁক লৈ সময় নষ্ট কৰিম? ধাৰাবাহিকভাৱে নিৰ্বাচনত পৰাস্ত হৈ অহা তেওঁৰ কোনো গুৰুত্ব নাই।’
উল্লেখ্য যে, বুধবাৰে অসমত উপস্থিত হোৱাৰ কথা ৰাহুল গান্ধী। গুৱাহাটীৰ সমীপতে থকা ছয়গাঁৱত অনুষ্ঠিত হ’বলগীয়া এক বৃহত সমাৱেশত অংশ ল’ব তেওঁ।
অহা ১৬ জুলাইত অসম প্ৰদেশ কংগ্ৰেছ কমিটিৰ উদ্যোগত আয়োজিত কংগ্ৰেছ কৰ্মী সভাত অংশগ্ৰহণ কৰিব সৰ্বভাৰতীয় কংগ্ৰেছ কমিটিৰ সভাপতি মল্লিকাৰ্জুন খাৰ্গে আৰু লোকসভাৰ বিৰোধী দলৰ নেতা ৰাহুল গান্ধীয়ে।
এই ভ্ৰমণৰ প্ৰত্যাশাত সোমবাৰে এ পি চি চিয়ে এক নিৰ্দেশনা জাৰি কৰি দলৰ সকলো সদস্যকে এক বিশেষ নিৰ্দেশনাও দিয়ে। কংগ্ৰেছৰ প্ৰতিগৰাকী সদস্যকে তেওঁলোকৰ ছ’চিয়েল মিডিয়া একাউণ্টৰ প্ৰফাইল ফটোত ৰাহুল গান্ধী আৰু মল্লিকাৰ্জুন খাৰ্গেৰ ফটো লগাবলৈ নিৰ্দেশ প্ৰদান কৰিছে।
